PROBERB 26:2 - Khasi CL Bible (BSI)

² Ki jingtim kim lah ban pynmynsaw ïa phi lait tang haba phi dei hok ban ïoh ïa ki. Ki long kum ki sim kiba her bad ki bym ju shongneh.

KA BAIBL

² Kum u sim ïing ha la ka jingher sakma, kum u lyntait ha la ka jingher, kumta ka jingtim kaba khlem daw, kam wan.

PROBERB 26:2 ပူးပေါင်းရင်းမြစ်များ

2 SAMUEL 16:12

Lehse U Trai un ïohi ïa ka jinglanot jong nga bad un ai ha nga katto katne ki jingkyrkhu ban shim bujli ïa ka jingtim jong u.”

2 SAMUEL 16:8

Me la knieh ïa ka hima jong u Saul, bad mynta U Trai u la pynshitom ïa me namar ka jingpynïap ïa kiba bun na ka longïing jong u Saul. U Trai u la ai ïa ka hima ha u Absalom, u khun jong me, bad me la jot, ma me u nongpynïap briew!”

NEHEMAÏAH 13:2

Kane ka long namar ki Amon bad ki Moab kim shym la ai jingbam bad um ïa ki Israel ha ka lynti ba ki mih na Ijipt. Pynban, ki la siew pisa sha u Balaam ban tim ïa ki Israel, hynrei U Blei jong ngi u la pynkylla long ïa ka jingtim sha ka jingkyrkhu.

SALM 109:28

Ki lah ban tim ïa nga, hynrei men kyrkhu ïa nga. Ai ba ki nongpynshitom beiñ jong nga kin shahjop, bad to ai ba ma nga, u shakri jong me, ngan kmen.

PROBERB 27:8

U briew sha jngai na la ïing u long kum ka sim kaba jngai na la ka skum.

ISAÏAH 16:2

Ki ap ha ki rudwah jong ka wah Arnon bad ki ïaid khlem jingmut shane shatai, kum ki sim kiba la shah beh noh na ki skum jong ki.

JINGKHEIÑ 23:8

Kumno nga lah ban tim ïa kaei kaba U Blei um shym la tim, Lane kren shaphang ka jingjot haba U Trai um shym kren?

1 SAMUEL 17:43

U ong ïa u Dabid, “Men leh aïu da uto u diengduh? Me tharai nga dei u ksew?” Bad u pyrta da ki jingtim ki blei jong u halor u Dabid.