PROBERB 26:12 - Khasi CL Bible (BSI)

¹² U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

KA BAIBL

¹² Me ïohi ïa u bastad ha la ka jong ka jingñiew? kham kyrmen ïa uba bieit ban kum ïa uta.

PROBERB 26:12 ပူးပေါင်းရင်းမြစ်များ

PROBERB 12:15

Ki briew kiba mutlop borabor ki pyrkhat ba ki leh ïa kaba dei. Ki briew kiba stad ki shahshkor ïa ki jingpyn-i lem.

PROBERB 22:29

Pyni ha nga ïa u briew uba leh ïa ka kam babha, bad ngan pyn-i ha phi ïa u briew uba kham bha ban ïa ka kynhun babun bad babit tam jong ki syiem.

PROBERB 26:16

U briew uba alhia u pyrkhat ba u kham stad ban ïa hynñiew ngut ki briew kiba lah ban ai ki nia kiba bha na ka bynta ka jingmut jong ki.

PROBERB 26:5

Ai ka jubab bieit ïa ka jingkylli bieit, bad uta uba kylli ïa ka un sngewthuh ba um long uba stad kumba u pyrkhat.

PROBERB 28:11

Ki briew kiba riewspah ki ju pyrkhat borabor ba ki long kiba stad, hynrei u briew uba duk, uba don ka jingsngewthuh shaphang ka jinglongbriew u tip kham bha.

PROBERB 28:26

Ka long ka jingbieit ban bud ïa la ki jong ki jingsngewthuh. To long shngain, bad bud ïa ki jinghikai jong ki briew kiba kham stad.

PROBERB 29:20

Don katto katne ka jingkyrmen ïa u bieit uba mutlop ban ïa uno uno uba kren khlem pyrkhat.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

ISAÏAH 5:21

Phi long ba la tim! Phi pyrkhat phi long uba stad, kumta kiba shalak shibun.

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

LOUKAS 18:11

“U Pharisi u la ïeng kyrpang la ka jong hi bad u la duwai, ‘Nga ainguh ïa me, a Blei, ba ngam long uba lalot, u bymhok, lane uba klim, kum uno uno uwei pat. Nga ainguh ba ngam long kum utai u nonglum khajna hangtai.

LOUKAS 7:44

Nangta u la phai sha kata ka briew bad u la ong ha u Simon, “Me ïohi ïa kane ka briew? Nga la wan shapoh ka ïing jong me, bad mem shym la ai um ïa nga na ka bynta ki kjat jong nga, hynrei ka la sait ïa ki kjat jong nga da ki ummat jong ka bad ka la ñiad rkhiang ïa ki da u shñiuh jong ka.

ÏOANNIS 9:41

U Jisu u la jubab, “Lada phi la long kiba matlah, te phin ym long kiba la shah pynrem; hynrei naba phi kam ba phi ïohi, kane ka mut ba phi dang don ha ka jingpynrem.”

Ka Shithi U Paul Sha Ki Nong Rom 12:16

To don ïa kajuh ka jingsngewkhia ïa baroh. To wat long kiba sarong, hynrei to pdiang ïa ki kam kiba kham hapoh. To wat pyrkhat ïa lade kum kiba stad.

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.