PROBERB 25:2 - Khasi CL Bible (BSI)

² Ngi burom ïa U Blei namar kaei kaba u la buhrieh; ngi burom ïa ki syiem ïa kaei kaba ki batai.

KA BAIBL

² Ka long ka burom U Blei ban buhrieh ïa kaei kaei: hynrei, ka burom ki syiem ban ïit bha ïa ka kam.

PROBERB 25:2 ပူးပေါင်းရင်းမြစ်များ

2 SAMUEL 1:5

“Kumno me tip ba u Saul bad u Jonathan ki la ïap?” u Dabid u la kylli ïa u.

2 SAMUEL 14:19

“Hato dei u Joab uba la ai buit ïa pha ha kane baroh?” u la kylli ïa ka. Ka jubab, “Nga smai da kata baroh kaba kyntang, ko Syiem Kynrad, ba ym don kano kano ka lad ban kiar na kaba jubab ïa ka jingkylli jong phi. Ka dei kaba shisha ba u Joab, u rangbah pynïaidkam jong phi uba la bthah ïa nga ïa kaei ngan leh bad ïa kaei ngan kren.

ESRA 4:15

ba phin hukum ban wad ïa ki jingbuh jingthoh kiba ki kpa tymmen jong phi ki la buh. Lada phi leh kumta, phin shem ba kane ka nongbah ka la long borabor kaba ïaleh pyrshah bad ba naduh ki por mynhyndai, ka la ju ai jingshitom ïa ki syiem bad ki nongsynshar ki jylla. Ka long borabor kaba eh ban synshar ïa ki briew jong ka. Dei na kane ka daw ba ïa ka nongbah la pynjot.

ESRA 4:19

Nga la hukum ban don ka jingtohkit, bad la shem shisha ba naduh ki por mynhyndai ka Jerusalem ka la ju ïaleh pyrshah ïa ka bor syiem bad ba ka dap da ki nongïaleh pyrshah bad ki nongthaw jingkulmar.

ESRA 5:17

“Mynta, lada ka pynsngewbha ïa phi, ko syiem, ai ba yn ïit ha ki jingthoh syiem ha Babilon ban shem lada u Syros u la ai ne um shym la ai ki hukum na ka bynta ka jingtei pat ïa kane ka Templ ha Jerusalem, bad nangta sa pyntip ïa ngi kaei ka mon jong phi ha kane ka kam.”

ESRA 6:1

Kumta u patsha Darius u la pynmih ïa ki hukum ban wad ha ki jingthoh syiem ba la buh ha Babilon.

Ka Kitab U Job 29:16

Nga la long kum u kpa ïa kiba duk bad nga la long ha ka liang ki nongwei haba ki shem jingeh.

Ka Kitab U Job 38:4

Hato me don hangta mynba nga la thaw ïa ka pyrthei? Lada me tip haduh katta katta, to ïathuh ïa nga shaphang kata.

Ka Kitab U Job 42:3

Me kylli kumno nga nud ban kylli ïa ka jingstad jong me haba nga long u bym don jingtip ei ei. Nga la kren shaphang kiei kiei kiba ngam sngewthuh, shaphang ki kamphylla kiba khraw eh ïa nga ban tip.

PROBERB 25:27

Kaba bam than ïa ka ngap kam bha ïa phi; bad kumta ruh ka long kaba pyrshang ban ïoh palat ka jingïaroh.

PROBERB 25:3

Phim ju tip kaei u syiem u pyrkhat; ki jingmut jong u ki long sha lyndet ka jingtip jong ngi, kumba jrong ka sahit bneng ne kumba jylliew ka duriaw-bah.

EKLESIASTIS 1:13

Nga la kut jingmut ban da khmih bniah bad wad bniah ïa kiei kiei baroh ba la leh ha kane ka pyrthei. U Blei u la buh ka kupar basyrtok halor jong ngi.

DEUTERONOMI 29:28

U Trai u la bitar shla, bad ha kata ka jingbitar, u rat dyngkhong ïa ki na ka ri jong ki bad u bret ïa ki sha ka ri nongwei, bad hangta ki dang don haduh mynta.’

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.