PROBERB 25:14 - Khasi CL Bible (BSI)

¹⁴ Ki briew kiba kular ïa kiei kiei kiba kim ju lah ban ai satia ki long kum ki lyoh bad ka lyer ki bym ai slap.

KA BAIBL

¹⁴ Kum ki lyoh bad ki lyer khlem slap, kumta long uba kren sarong lamler ïa la ki jingai.

PROBERB 25:14 ပူးပေါင်းရင်းမြစ်များ

1 SYIEM 22:11

Uwei na ki, u Sedekaïah u khun jong u Khenaanah, u shna ïa ki reng nar bad u ong ha u Ahab, “Kane ka long kaei kaba U Trai u ong: ‘Da kine phin ïaleh ïa ki nong Syria bad phin jop thiaw ïa ki.’ ”

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

JEREMAÏAH 5:13

Ki la ong ba ki nongïathuhlypa kim long ei ei hynrei ki pla dap lyer bad ba kim don ka khubor na U Trai. U Trai U Blei Badonbor Baroh u la ong ha nga, “Ko Jeremaïah, namar ba kine ki briew ki la kren ïa kum kine kiei kiei, ngan pynlong ïa ki ktien jong nga kum ka ding ha ka shyntur jong me. Ki briew kin long kum ka dieng, bad ka ding kan bam duh ïa ki.”

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

2 KORINTH 11:31

U Blei bad U Kpa jong U Trai Jisu — long ba la kyrkhu ïa ka kyrteng jong u junom! — u tip ba ngam shym lamler.

JUDAH 1:16

Kine ki briew kiba khñium bad borabor ki kynnoh ïa kiwei; ki ïaid kat kum ki jingkwah brai jong ki; ki kren sarong shaphang ïa lade bad ïaroh arsap ïa kiwei khnang ban ïoh leh ïa kaba ki kwah hi.