PROBERB 25:12 - Khasi CL Bible (BSI)

¹² Ka jingmaham ba ai da u briew uba shemphang bha ha uno uno uba mon ban sngap ka long kaba kham kordor ban ïa ki sati ksiar ne ki jingdeng mawlynnai ba la saiñ na ka ksiar banylla.

KA BAIBL

¹² Kum ka sohshkor ksiar, bad ka jingdeng ksiar banylla, kumta, long u nongsneng u bastad ha ka shkor kaba kohnguh.

PROBERB 25:12 ပူးပေါင်းရင်းမြစ်များ

2 SAMUEL 1:24

“Ko kynthei Israel, to ïam namar u Saul! Uba la pynkup ïa phi da ki jaiñ saw syn-iang, Bad u la pyndeng ïa phi da ki mawlynnai bad ka ksiar.

Ka Kitab U Job 28:17

Ka kham kordor ban ïa ka ksiar, ban ïa u khiew ksiar lane ïa ka ïit babha tam.

Ka Kitab U Job 42:11

Baroh ki hynmen ki para jong u Job, kynthei bad shynrang, bad ki paralok barim jong u, ki la wan jngoh ïa u bad ïabam sngewbha bad u ha ka ïing jong u. Ki la pynpaw ïa ka jingsngewlem jong ki bad ki pyngtngen ïa u namar ki jingjynjar baroh ba U Trai u la wallam halor jong u. Uwei pa uwei na ki u la ai katto katne ka pisa bad ka sati ksiar.

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

EKSODOS 32:2

U Aaron u ong ha ki, “Law noh ïa ki sohshkor ksiar ba ki tnga jong phi, ki khun shynrang bad ki khun kynthei jong phi ki deng, bad wallam ïa ki sha nga.”

EKSODOS 35:22

Baroh kiba kwah kumta, kynthei bad shynrang, ki ïawan rah ïa ki jingpyndait ba la oh-shrong, ki sohshkor, ki sati, ki kpieng, bad ki jingdeng ksiar kiba har rukom, bad ki pynkyntang ïa ki sha U Trai.

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 20:12

U Trai u la ai ïa ngi ki khmat ban peit da ki bad ïa ki shkor ban sngap da ki.

PROBERB 9:8

Wat ju pynbeit ïa u briew uba hangamei; un isih ïa phi na ka bynta kata. Hynrei lada phi pynbeit ïa u briew uba stad, un burom ïa phi.

EKLESIASTIS 7:5

Ka kham bha ban don ki briew kiba stad kiba sneng ïa phi ban ïa kaba don ki briew kiba tasngeng kiba rwai ki jingïaroh ïa phi.

ESEKIEL 16:12

Nga la ai ha pha ïa ka sati khmut bad ki sohshkor bad ka pansngiat ba-itynnat ban phong.

MATHAÏOS 12:35

U briew uba bha u sei ïa kiei kiei kiba bha na ka jingkynshew jong kiei kiei kiba bha; u briew uba sniew u sei ïa kiei kiei kiba sniew na ka jingkynshew jong kiei kiei kiba sniew.