PROBERB 24:28 - Khasi CL Bible (BSI)

²⁸ Wat ïeng sakhi pyrshah ïano ïano khlem ka daw kaba dei, ne wat ong ïa kaei kaei ka ban ïalam bakla shaphang jong u.

KA BAIBL

²⁸ Wat long u sakhi pyrshah ïa la u paramarjan khlem daw; bad wat shukor da la ki rmiang shyntur.

PROBERB 24:28 ပူးပေါင်းရင်းမြစ်များ

Ka Kitab U Job 2:3

“Hato me la peit-thuh ïa u Job u shakri jong nga?” U Trai u kylli. “Ym don uno uno ha ka pyrthei uba ïaineh bad uba bha kat ma u. U mane ïa nga bad u kiar ban ym leh ïa kano kano kaba sniew. Me kynshuit ïa nga ban shah ïa me ban tur pyrshah ïa u khlem don kano kano ka daw, hynrei u Job u ïailong hi uba ïaineh kumba u ju long.”

SALM 35:11

Ki riewbymman ki sakhi pyrshah ïa nga; ki mudui ïa nga shaphang ki kam runar kiba ngam tip ei ei.

SALM 35:7

Naba khlem daw ki pynap ka jingriam ïa nga, bad ki tih ka 'liewlep ba ngan liat ha ka.

SALM 52:1

Balei ba me sngewmeng, ko me uba khraw, ïa ki jingbymman jong me? Ka jinglong baïaineh jong U Blei ka neh junom.

EKSODOS 20:16

“Wat sakhi lamler ïano ïano.

EKSODOS 23:1

“Wat ju pynphriang ïa ki khubor lamler, bad wat ïarap ïa u nongleh bymman da kaba sakhi lamler.

PROBERB 14:5

U sakhi uba lah ban shaniah, borabor u ïathuh ïa ka jingshisha, hynrei u bym lah ban shaniah, u ïathuh tang ïa kaba lamler.

PROBERB 19:5

Lada phi lamler ha ka ïingbishar, phin shah pynshitom — yn ym don jingpyllait.

PROBERB 19:9

Ym don uba kren lamler ha ka ïingbishar u ban ïohlait na ka jingpynshitom; u la shah pynrem.

PROBERB 21:28

Ym lah ban ngeit ïa ka jingphla shem mynsiem jong uba lamler, hynrei ka ktien jong uno uno uba da pyrkhat bha yn pdiang.

PROBERB 25:18

Ka jingsakhi lamler ka long kaba ma kum ka waitlam, u dieng tangon ne u khnam banep.

LEBITIKOS 19:11

“Wat tuh lane shukor lane lamler.

LEBITIKOS 6:2

Dei ban ai ïa ka jingkñia lada uno uno u leh pop pyrshah ïa U Trai da kaba kyntait ban pynphai ïa kaei kaba u para Israel u la phah buh ha u lane da kaba tuh na u lane da kaba u shukor ïa u

LEBITIKOS 6:3

lane da kaba thok shaphang kano kano ba ka la jah noh bad u smai ba um shym shem pat ïa ka.

MATHAÏOS 27:23

Hynrei u Pilat u la kylli, “Ka kam runar aïu u la leh?” Nangta ki la sdang ban pyrta da ka sur kaba jam tam: “Sahnarphna ïa u!”

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.