PROBERB 24:16 - Khasi CL Bible (BSI)

¹⁶ Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

KA BAIBL

¹⁶ naba hynñiew sien u hap u bahok, te u ïeng pat: hynrei, ïa u bymman la pynkyllon da ka jingjynjar.

PROBERB 24:16 ပူးပေါင်းရင်းမြစ်များ

JENESIS 19:35

Kumta ki la pyndih buaid ïa la u kpa ha kata ka miet ruh, bad kata ka khun kaba ar ka leit ïathiah shongkha bad u. Ha kane ka kynti ruh u la buaid shaba palat kat haduh ba um tip ei ei shaphang kata.

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

Ka Kitab U Job 5:19

Na kawei ka por sha kawei pat un pyllait im ïa me na ka jingma;

SALM 34:19

U briew uba bha u mad bun ki jingjynjar, hynrei U Trai u pyllait im ïa u na ki baroh.

SALM 34:21

Ka jingsniew kan pynïap ïa ki bymman; kito kiba isih ïa kiba hok kin shah pynshitom.

SALM 37:24

La ki kyllon, kin ym sah hajuh, namar U Trai un ïarap khyllie ïa ki.

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

SALM 7:16

Kumta ïa ki la pynshitom da ki kam sniew jong ki hi bad ki mynsaw na ka jingleh jubor jong ki hi.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

PROBERB 13:17

Ki nonglamktien ki bym lah ban shaniah ki thaw jingkulmar, hynrei kito kiba lah ban shaniah ki wallam ïa ka jingsuk.

PROBERB 13:21

Ka jingjynjar ka buddien ïa ki nongpop kylleng, hynrei ki briew kiba hok kin ïoh bainong da kiei kiei kiba bha.

PROBERB 14:32

Ki briew kiba sniew ki wallam ïa la ka jong ka jingkyllon noh da ki kam basniew jong ki, hynrei ïa ki briew kiba bha la ïada da ka jinglonghok jong ki.

PROBERB 24:22

kum kita ki briew kin shah pynjot ha ka shikhyllipmat. Hato phi sngewthuh ba ka jingjot kaba kumno kan lah ban jia na U Blei ne na u syiem?

PROBERB 6:15

Namar kane, ka jingjynjar kan ngat kyndit ha ki khlem jingmaham, bad kin mynsaw jur khlem khie khlieh shuh.

JEREMAÏAH 18:17

Ngan pynsakma ïa ki briew jong nga ha khmat ki nongshun jong ki, kum ïa u pui pui ba la beh da ka lyer mihngi. Ngan pynphai ïa la ka ingdong halor jong ki; ngan ym ïarap ïa ki haba ka jingpynjot ka wan.”

JEREMAÏAH 8:4

U Trai u la bthah ïa nga ban ong ha ki briew jong u, “Haba uno uno u kyllon, hato un ym ïeng pat? Lada uno uno u bakla lynti, hato un ym wan phai pat?

ESEKIEL 7:5

Kane ka long kaba U Trai Nongsynshar u ong: “Kawei ka jingjynjar hadien kawei pat kan wan ha pha.

AMOS 5:2

Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

1 SAMUEL 26:10

Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.

1 SAMUEL 31:4

U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.