PROBERB 23:7 - Khasi CL Bible (BSI)

⁷ “To wan bad bam shuh sa khyndiat,” u ong, hynrei um mut kumta. Kaei kaba u pyrkhat ka long kaei kaba u long da shisha.

KA BAIBL

⁷ naba kumba u pyrkhat hapoh lade, kumta u long: “To bam to dih,” u ong ha me; hynrei, ka dohnud jong u kam long bad me.

PROBERB 23:7 ပူးပေါင်းရင်းမြစ်များ

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 55:21

Ki ktien jong u ki long kiba kham jlih ban ïa ka makhon, hynrei ka don ka jingisih ha ka dohnud jong u; ki ktien jong u ki pynum kum ka umphniang, hynrei ki ot kum ki waitlam banep.

PROBERB 19:22

Ka long ka jingjahburom ban long uba khwan myntoi; ki briew kiba duk ki kham bha ban ïa ki nongshukor.

PROBERB 26:23

Ka jingkren bymshisha kaba buhrieh ïa kaei ba phi pyrkhat shisha ka long kum ka jingsop ïit ha u khiew khyndew uba tat-dor.

PROBERB 26:24

U riewarsap u buhrieh ïa la ka jingshun ha lyndet ki ktien pynkhyllew.

PROBERB 26:25

Ki lah ban sawa sngewtynnat, hynrei wat ngeit ïa u, namar ka dohnud jong u ka dap haduh rymmiang da ka jingisih.

DANIEL 11:27

Nangta ki ar ngut ki syiem kin ïashong lang ban ïabam ha kajuh ka miej, hynrei ki jingthmu jong ki, kin long kiba sniew, bad kin ïa-lamler uwei ïa uwei pat. Kin ym ïoh ïa kaei kaba ki kwah, namar ka por na ka bynta kata kam pat poi.

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

NONGBISHAR 16:15

Kumta ka ong ha u, “Kumno phi lah ban ong ba phi ieit ïa nga haba phim mut kumta? Phi pynlong ka bieit ïa nga la lai sien, bad phim pat shym la ïathuh satia ha nga kaei kaba pynlong ïa phi uba khlaiñbor bha.”