PROBERB 23:10 - Khasi CL Bible (BSI)

¹⁰ Wat pynkynriah ïa u mawpud uba rim lane knieh ïa ka khyndew ba long trai da ki khunswet.

KA BAIBL

¹⁰ Wat pynkynriah ïa u mawpud uba rim; bad wat leit sha ki lyngkha jong ki khunswet:

PROBERB 23:10 ပူးပေါင်းရင်းမြစ်များ

Ka Kitab U Job 22:9

Phi la kyntait noh ym tang na kaba ïarap ïa ki riewkynthei, hynrei phi la lute ïa ki khunswet ba la shah lehbeiñ.

Ka Kitab U Job 24:9

Ki briew kiba sniew ki pynlong mraw ïa ki khunswet ba dang rit bad ki shim ïa ki khun jong u briew uba duk kum ka jingsiew ïa ki ram.

Ka Kitab U Job 6:27

Phi te phi nud ban kynting sbai ïa ki khunswet mraw bad pynlong riewspah ïa lade na ki paralok bajan tam eh.

SALM 94:6

Ki pynïap ïa ki riewkynthei bad ïa ki khunswet, bad shoh pynïap ïa u nongwei uba shong ha ka ri jong ngi.

EKSODOS 22:22

Wat lehbeiñ ïa ka riewkynthei ne ïa u khunswet.

PROBERB 15:25

U Trai un pynjot ïa ki longïing jong ki briew kiba sarong, hynrei un ïada ïa ki jingdon jingem jong ka riewkynthei.

PROBERB 22:28

Wat ju pynkynriah ïa u mawpud ba ki kpa tymmen jong phi ki la thung naduh mynbarim.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 7:5

“To pynkylla ïa ka rukom kaba phi im bad sangeh ban leh ïa kiei kiei kiba phi leh. To long u bym noh shiliang ha kaba phi ñiew iwei ïa iwei pat.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 19:14

“Ynda phi ïohkynti ïa kata ka ri ba U Trai U Blei jong phi u ai ha phi, wat pynkynriah ïa u mawpud jong u paramarjan jong phi ïa uba la thung naduh mynbarim.

DEUTERONOMI 27:17

“ ‘Ka jingtim U Blei kan hap ha uta u briew uba pynkynriah ïa u mawpud jong u paramarjan.’ “Bad u paidbah baroh un jubab lang, ‘Amen!’

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.