PROBERB 22:7 - Khasi CL Bible (BSI)

⁷ Ki briew kiba duk ki long ki mraw jong u briew bariewspah, pan kylliang pisa bad phin long u mraw jong u nongai ram.

KA BAIBL

⁷ U riewspah u synshar halor u baduk, bad uba shim ram u long u shakri uba ai ram.

PROBERB 22:7 ပူးပေါင်းရင်းမြစ်များ

2 SYIEM 4:1

Ka riewkynthei jong u dkhot ka kynhun ki nongïathuhlypa ka la leit sha u Elisha bad ka ong, “Kynrad, u tnga jong nga u la ïap! Kumba phi tip, u dei u briew uba sheptieng ïa U Blei, hynrei mynta u briew uba ai ram ïa u, u la wan ban shim noh ïa ki ar ngut ki khun shynrang jong nga ban long ki mraw kum ka jingsiew ïa ka ram u tnga jong nga.”

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 18:23

Haba u briew uba duk u kren, u hap kyrpad donakor, hynrei haba u briew uba riewspah u jubab, u kren khor.

PROBERB 22:16

Lada phi ai sngewbha sha ki briew kiba riewspah lane banbeiñ ïa kiba duk ban ïoh riewspah, phin long uba duk ïa lade.

PROBERB 22:22

Wat shim kabu ïa kiba duk tang namar ba phi lah; wat shim kabu ïa kito kiba ïeng khlem jingïarap ha ka ïingbishar.

ISAÏAH 24:2

Uwei pa uwei un ïakynduh ïa kajuh ka kupar — ki lyngdoh bad ki briew, ki mraw bad ki kynrad, kiba thied bad kiba die, kiba ai kylliang bad kiba shim kylliang, kiba riewspah bad kiba duk.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

AMOS 8:4

To shahshkor ïa kane, phi kiba ïuhroit ïa kiba kyrduh bad kiba pyrshang ban pynjot ïa kiba duk ha ka ri.

AMOS 8:6

Ngi lah ban die ïa u kew u bymdondor ha ka dor kaba heh. Ngin shem ïa u briew uba duk u bym lah siew ïa ki ram jong u, wat ym ïa ka dor jong shi jur ki juti, bad ngin thied ïa u kum u mraw.”

MATHAÏOS 18:25

U shakri um shym don shibun ban siew ïa ka ram jong u, kumta u syiem u la hukum ba ïa uta dei ban die mraw noh, ïa ka tnga bad ki khun jong u bad baroh kiba u la don khnang ban siew ïa ka ram.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.