PROBERB 22:5 - Khasi CL Bible (BSI)

⁵ Lada phi ieit ïa la ka jingim, phet krad na ki jingriam kaba pynngat ïa u bymman ha ka lynti ïaid.

KA BAIBL

⁵ Ki dieng shiah bad ki jingriam ki don ha ka lynti jong uba mutlop: uta uba sumar ïa la ka mynsiem un long jngai na ki.

PROBERB 22:5 ပူးပေါင်းရင်းမြစ်များ

Ka Kitab U Job 18:8

U ïaid sha ka jar, bad ki kjat jong u ki ngat hangta;

SALM 11:6

U pynhap ki rnga barhem bad ïa u kyndok bameh ding halor ki bymman; u pynshitom ïa ki da ki lyer khluit.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

PROBERB 13:15

Ka jingshemphang ka pynïoh ïa ka jingñiewburom, hynrei kito ki bym lah ban shaniah ki don ha ka lynti sha ka jingjot.

PROBERB 13:3

Husiar ïa kaei kaba phi ong bad ri ïa la ka jingim. Uba kren thurmur u pynjot ïa lade.

PROBERB 15:19

Lada phi jaipdeh, phin ïakynduh ïa ka jingeh kylleng, hynrei haba phi long uba trei minot, phin ym shem jingeh.

PROBERB 16:17

Kito kiba bha ki ïaid na ka lynti kaba lait na kaba sniew; te khmih shano ba phi leit — ka lah ban pyllait ïa ka jingim jong phi.

PROBERB 19:16

Sumar ïa ki hukum U Blei bad phin im slem; lada phi ñiewbeiñ ïa ki, phin ïap.

PROBERB 22:4

To kohnguh ïa U Trai, da kaba pynrit, bad phin ïoh ïa ka spah, ka burom, bad ka jingim kaba jlan.

PROBERB 29:6

Ki briew basniew ki ngat ha la ki jong ki pop, katba ki briew bahok ki kmen bad ki laitluid.

PROBERB 4:19

Ka lynti ki riewsniew ka long kaba dum tliw tliw kum ka miet. Ki kyllon, hynrei kim ïohi ha-ei ki jynthut.

JOSHUA 23:13

to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.