PROBERB 22:1 - Khasi CL Bible (BSI)

¹ Lada phi dei ban jied hapdeng ka nam babha bad ka spah kaba khraw, jied ïa ka nam babha.

KA BAIBL

¹ Ka nam ka babha ka kham dei ban jied ban ïa ka spah kaba khraw, bad ka jingsngewbha ba-ieit ban ïa ka rupa bad ka ksiar.

PROBERB 22:1 ပူးပေါင်းရင်းမြစ်များ

1 SYIEM 1:47

Nalor kata, ki rangbah synshar ka ïingbishar ki la leit bad ai ka jingñiewburom jong ki ïa u Syiem Kynrad, u Syiem Dabid bad ki ong, ‘To U Blei jong phi un pynlong ïa u Solomon uba kham pawnam ban ïa phi, bad ai ba ka jingsynshar jong u Solomon kan long kaba man roi shibun ban ïa ka jong phi.’

PROBERB 10:7

Ïa ki briew kiba bha yn ïai kynmaw kum ka jingkyrkhu; hynrei ïa ki riewbymman yn klet noh.

EKLESIASTIS 7:1

Ka nam kaba bha ka kham kor ban ïa ka jingiwbih baremdor, bad ka sngi kaba phi ïap ka kham bha ban ïa ka sngi ha kaba la kha ïa phi.

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

HEBRU 11:39

Ïa kine baroh la buh jingthoh naba ki la jop da ka jingngeit! hynrei kim shym la ïohpdiang ïa kaei kaba U Blei u la kular.