PROBERB 21:8 - Khasi CL Bible (BSI)

⁸ Ki briew kiba pop ki ïaid ka lynti kyllaiñ; hynrei kiba lui lui ki ïaid ha kaba beit.

KA BAIBL

⁸ Ka lynti jong uta uba kit pop ka long kaba 'dor eh: hynrei, u bakhuid te, ka kam jong u ka long kaba beit.

PROBERB 21:8 ပူးပေါင်းရင်းမြစ်များ

JENESIS 6:12

U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.

PROBERB 15:26

U Trai u isih ïa ki jingpyrkhat kiba sniew, hynrei u sngewbha ha ki ktien kiba sngur jingmut.

PROBERB 2:15

ki briew kiba kynriang ki bym lah ban shaniah.

PROBERB 21:9

Ka kham bha kaba sah ha tnum ïing ban ïa kaba sah lang bad ka tnga kaba bunktien.

PROBERB 30:12

Don ki briew kiba tharai ba ki long kiba khuid hynrei kiba dap da ka tngit suda.

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

ISAÏAH 59:8

Bad ym don ba long shngain haba phi don hangta. Baroh kaba phi leh ka long ka bymhok. Phi bud ïa ka lynti ïaid kaba kyllaiñ, bad ym don uwei ruh uba ïaid na kata ka lynti u ban long shngain.

DANIEL 12:10

Ïa kiba bun ki briew yn pynkhuid. Kito kiba bymman kin ym sngewthuh hynrei kin ïailong bymman; tang kito kiba stad kin shemphang.

MATHAÏOS 12:33

“Ban ïoh ïa u soh uba bha phi dei ban don u dieng uba plung bha; lada phi don u dieng uba swai, phin ïoh u soh uba sniew. Ïa u dieng la tip da u jait soh ba u pynmih.

MATHAÏOS 5:8

Suk kiba khuid ha ka dohnud; kin ïohi ïa U Blei!

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

1 ÏOANNIS 3:3

Uwei pa uwei uba don ïa kane ka jingkyrmen ha U Khrist, u ri khuid ïa lade, kumba U Khrist u long uba khuid.