PROBERB 21:4 - Khasi CL Bible (BSI)

⁴ Ki briew kiba sniew ki shah synshar ha la ka hangamei bad ka jingsngewmeng, bad kane ka long pop.

KA BAIBL

⁴ Ka jingkhmih meng, bad ka dohnud kaba sarong, wat ka sharak jong u bymman, ka long pop.

PROBERB 21:4 ပူးပေါင်းရင်းမြစ်များ

Ka Kitab U Job 18:5

Ïa ka jingshai jong u briew basniew yn pynlip sah; ki thylliej ding jong ka kin ym meh shuh.

Ka Kitab U Job 18:6

Ïa ka sharak ha ka ïingjaiñ jong u yn pyndum.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 131:1

A Trai, nga la iehnoh noh ïa ka jingsarong jong nga bad phai noh na ka jingsngewmeng jong nga. Ngam da sngewkhia ïa ki kam kiba khraw bad ki phang kiba eh than ba ngan sngewthuh.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

PROBERB 24:20

U riewsniew um don ïa ka lawei — ym don ei ei ba un peit sha khmat.

PROBERB 30:13

Don ki briew kiba pyrkhat ba ki long kiba bha palat — oh, katno ka jingbha ki pyrkhat ba ki long!

PROBERB 6:16

Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

LOUKAS 11:34

Ki khmat jong phi ki long kum ka sharak ïa ka met jong phi. Haba ki khmat jong phi ki bha, ka met jong phi baroh kawei ka dap da ka jingshai; hynrei haba ki khmat jong phi kim bha, ka met jong phi baroh kawei kan long ha ka jingdum.

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

Ka Shithi U Paul Sha Ki Nong Rom 14:23

Hynrei haba u sngew artatien ïa kaei kaba u bam, U Blei u pynrem ïa u haba u bam ïa ka, namar kaei kaba u leh, kam shong nongrim ha ka jingngeit. Bad kaei kaei ka bym shong nongrim ha ka jingngeit ka long ka pop.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”