PROBERB 21:3 - Khasi CL Bible (BSI)

³ Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

KA BAIBL

³ Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

PROBERB 21:3 ပူးပေါင်းရင်းမြစ်များ

SALM 40:7

Pynban, me la ai ha nga ïa ki shkor ban sngew ïa me, bad kumta nga jubab, “Nga hangne; ki jingbthah jong me ïa nga ki don ha ka kitab ka Hukum.

SALM 50:8

Ngam sneng ïa phi namar ki jingkñia jong phi bad ki jingainguh thang kiba phi wanrah borabor sha nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

MARKOS 12:33

Bad u briew u dei ban ieit ïa U Blei da ka dohnud jong u baroh bad da ka jingmut jong u baroh bad da ka bor jong u baroh; bad u dei ban ieit ïa la u paramarjan kumba u ieit ïa lade. Ka long kaba kham donkam ban kohnguh ïa kine ki ar tylli ki hukum ban ïa kaba ai jingainguh da ki mrad bad kiwei ki jingkñia sha U Blei.”

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.