PROBERB 21:16 - Khasi CL Bible (BSI)

¹⁶ Ka jingïap ka ap ïa uta uba ïaid sakma na ka lynti ka jingshemphang.

KA BAIBL

¹⁶ U briew uba sakma na ka lynti ka jingshemphang un shongthait ha u paidlang jong ki baïap.

PROBERB 21:16 ပူးပေါင်းရင်းမြစ်များ

SALM 125:5

Hynrei haba me pynshitom ïa ki bymman, to pynshitom ruh ïa kito kiba lyndet ïa ki lynti jong me. To long ka jingsuk ïa ki Israel!

SALM 49:14

kin kut ha kaba ïap kum ki langbrot, bad ka Jingïap kan long u nongaplangbrot jong ki. Kiba hok kin jop halor jong ki, katba ki met jong ki kin pyut kloi ha ka pyrthei kiba ïap, jngai na ki ïing jong ki.

PROBERB 11:19

Uno uno uba kut jingmut ban leh ïa kaba dei un im, hynrei uno uno uba ïai beh ban leh ïa kaba sniew un ïap.

PROBERB 13:20

Ïalang paralok bad uba stad bad phin kylla stad. Lada phi ïalang paralok bad ki briew kiba bieit, phin long kiba bieit.

PROBERB 19:16

Sumar ïa ki hukum U Blei bad phin im slem; lada phi ñiewbeiñ ïa ki, phin ïap.

PROBERB 2:13

ki briew kiba iehnoh ïa ka jingim hok ban im ha ka jingdum ka pop,

PROBERB 5:23

U ïap namar ba um lah synshar ïa lade; ka jingïailong mutlop jong u kan ïalam ïa u sha ka jingtep jong u hi.

PROBERB 9:18

Kito kiba ngat ha ka jingriam jong ka kim tip ba ki briew kiba leit ha ïing jong ka ki ïap, bad kito kiba la rung mynshuwa ki don mynta ha kaba jylliew bha ka pyrthei kiba ïap.

ESEKIEL 18:24

“Hynrei lad u briew uba hok u sangeh ban lehbha bad sdang ban leh ïa kaba sniew baroh, ïa kiei kiei kiba ijli kiba ki briew kiba sniew ki leh, hato un ïai im? Em, yn ym kynmaw ïa kano kano kaba bha kaba u la leh. Un ïap namar ka jingbymïaineh jong u bad ki pop jong u.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

EPHESOS 2:1

Mynshuwa phi la long kiba ïap ha ka jinglong mynsiem namar ka jingbymkohnguh bad ki pop jong phi.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.