PROBERB 21:15 - Khasi CL Bible (BSI)

¹⁵ Haba la pyndep ïa ka jingbishar hok, ki briew kiba bha ki kmen, hynrei ki briew kiba sniew ki sngewsih.

KA BAIBL

¹⁵ Ka long ka jingkmen ïa u bahok ban leh ïa ka jingbishar; hynrei, ka long ka jingpynjot ïa ki nongleh ïa ka bymhok.

PROBERB 21:15 ပူးပေါင်းရင်းမြစ်များ

SALM 112:1

A to ïaroh ïa U Trai! Suk uta u briew uba pyndonburom ïa U Trai, uba shem sngewbha ha kaba kohnguh ïa ki hukum jong u.

SALM 119:16

Ngan sngewbha eh ha ki aiñ jong me; ïa ki hukum jong me ngan ym klet.

SALM 119:92

Lada ka aiñ jong me kam shym la long ka tyllong jong ka jingkmen jong nga, ngan jin da la ïap na ki jingshitom jong nga.

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

PROBERB 10:29

U Trai u ïada ïa ki briew kiba ïaid hok; hynrei u pynjot ïa kito kiba leh bymdei.

PROBERB 21:12

U Blei, uta uba hok, u tip ïa kaei kaba jia ha ki longïing ki riewbymman, bad un wallam ïa ki bymman sha ka jingjot jingpra.

PROBERB 21:16

Ka jingïap ka ap ïa uta uba ïaid sakma na ka lynti ka jingshemphang.

PROBERB 5:20

Ko khun jong nga, balei phin shu ai ïa la ka jingieit sha kawei pat ka briew? Balei phin kham jied ïa ka jingpynshohbieit ka tnga jong uwei pat u briew?

EKLESIASTIS 3:12

Kumta nga la sngewthuh ba baroh kaba ngi lah ban leh ka long ban kmen bad leh ïa kaba bha tam kaba ngi lah katba ngi dang im.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

MATHAÏOS 7:23

Nangta ngan ong ha ki, ‘Ngam ju la ithuh ïa phi. Khie leit noh na nga, phi ki briew bymman!’

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

Ka Shithi U Paul Sha Ki Nong Rom 7:22

Ka jinglong kaba hapoh jong nga ka kmen ha ka hukum U Blei.