PROBERB 21:1 - Khasi CL Bible (BSI)

¹ U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

KA BAIBL

¹ Ka dohnud u syiem ka long ha ka kti U Trai kum ki jingpun um: u pynphai ïa ka kat shaba u mon.

PROBERB 21:1 ပူးပေါင်းရင်းမြစ်များ

2 SYIEM 19:33

Un leit phai na kajuh ka lynti na kaba u la wan, khlem da rung sha kane ka nongbah. Ma nga, U Trai, nga la kren.

ESRA 1:1

Ha snem kaba nyngkong ba u Syros u long u patsha jong ka Persia, U Trai u la pynlong ïa kaei kaba u la ong lyngba u nongïathuhlypa Jeremaïah ba kan long shisha. U la pynkhih ïa u Syros ban pynmih ïa kane ka hukum bad phah ïa ka ha ka jingthoh ban pule jam ha baroh sawdong ka hima jong u:

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

NEHEMAÏAH 1:11

To shahshkor mynta ïa ka jingduwai jong nga bad ïa ki jingduwai jong baroh kiwei pat ki shakri jong me kiba kwah ban ai ïa me ka burom. Ai ïa ka jingjop mynta ka sngi bad pynlong ba u patsha un leh-isynei ïa nga.” Ha kita ki sngi nga la long u nongrah waiñ jong u patsha.

NEHEMAÏAH 2:4

U patsha u kylli, “Kaei kaba me kwah?”

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

ESTHER 2:17

U syiem la u itynnat ïa ka palat ban ïa kiwei pat ki samla kynthei, bad palat ban ïa kiwei pat, ka la ïoh ïa ka jinglehbha bad ka jingsngewieit. U buh ïa ka pansngiat syiem ha ka khlieh jong ka bad pynlong mahadei ïa ka ha ka jaka jong ka Bashti.

SALM 105:25

U la pynlong ïa ki nong Ijipt ban isih ïa ki briew jong u bad leh shukor ïa ki shakri jong u.

SALM 106:46

U la pynlong ïa baroh ki nongbanbeiñ jong ki ban sngewsynei ïa ki.

SALM 114:3

Ka Duriaw Basaw ka la khmih bad ka phet noh, ka wah Jordan ka la sangeh ban tuid.

SALM 114:5

Kaei kaba la jia, ko Duriaw, ban pynlong ïa pha ban phet noh? Bad ma pha, ko Jordan, balei ba pha sangeh ban tuid?

SALM 74:15

Me la pynlong ïa ki wahduid bad ïa ki umpohliew ban tuid; me la pynrngad ïa ki wahbah.

SALM 93:4

U Trai u synshar hakhlieh eh ha bneng, kham khraw ban ïa ka jingkyrhuh jong ka duriaw-bah, kham donbor ban ïa ki jingat phyllung jong ka duriaw.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

PROBERB 16:1

Ngi lah ban don ki jingthmu, hynrei khatduh ka rai ka dei jong U Blei.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

PROBERB 20:24

U Trai u la thmu ïa ka lynti jong ngi; kumno te uno uno u lah ban sngewthuh ïa ka phang ba ka jingim jong u ka thew?

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

ISAÏAH 44:27

Da ki ktien ka hukum nga pyntyrkhong ïa ka duriaw-bah.

JEREMAÏAH 39:12

“Khie leit wad ïa u Jeremaïah bad sumar bha ïa u. Wat pynmynsaw ïa u, hynrei leh ïa kaei kaei baroh kaba u kwah.”

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

JINGPYNPAW 16:4

U angel uba lai u la theh noh ïa ka pliang jong u ha ki wah bad ha ki umpohliew, bad ki la kylla snam.