PROBERB 20:8 - Khasi CL Bible (BSI)

⁸ U syiem u shong ban bishar bad u tip ïa kaba sniew haba u ïohi ïa ka.

KA BAIBL

⁸ U syiem uba shong ha ka khet bishar u pynher noh ïa ka jingsniew baroh da la ki khmat.

PROBERB 20:8 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

1 SYIEM 7:7

Ka Kamra ka Khet, ïa kaba la khot ruh ka Kamra Heh jong ka Jingbishar, ha kaba u Solomon u rai ïa ki jingïakajia, ka don ki lyngknep dieng Kedar naduh tbian haduh ki khanshi.

SALM 72:4

Ai ba u syiem un bishar hok ïa kiba duk; ai un ïarap ïa kiba kyrduh, bad un jop ïa ki nongbanbeiñ jong ki.

SALM 92:9

Ngi tip ba ki nongshun jong me kin ïap, bad ki bymman baroh kin shahjop.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

PROBERB 16:12

Ki syiem kim lah shah ïa ka jingsniew, namar ka jingbishar hok ka dei kaba pynlong ïa ka jingsynshar kaba khlaiñ.

PROBERB 20:26

U syiem uba stad un shem uno uba leh ïa ka bymdei, bad un pynshitom ïa u khlem isynei.

PROBERB 25:5

Weng noh ïa ki nongai jingmut bymman na khmat u syiem, bad ïa ka jingsynshar jong u yn tip na ka bynta ka ïingbishar hok jong ka.

PROBERB 29:14

Lada u syiem u ïada ïa ki hok jong kiba duk, un synshar slem.

ISAÏAH 32:1

Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

MATHAÏOS 12:30

“Uno uno u bym long na ka bynta jong nga, u ïaleh pyrshah shisha ïa nga; uno uno u bym ïarap ïa nga ban lum ban lang u long shisha uba pynsaphred.