PROBERB 20:3 - Khasi CL Bible (BSI)

³ Uno uno uba bieit u lah ban sdang ïa ki jingïania; kaba donburom ka long ban kiar na kine.

KA BAIBL

³ Ka long burom ïa u briew ba un kiar na ka jingïakajia: hynrei, u babieit baroh un shu ïamai.

PROBERB 20:3 ပူးပေါင်းရင်းမြစ်များ

JENESIS 13:7

Kumta la mih ka jingïakajia hapdeng ki nongap jingri jong u Abram bad ki nongap jingri jong u Lot. (Ha kata ka por ki Kanaan bad ki Peris ki dang shong ha kata ka ri.)

JENESIS 13:8

Kumta u Abram u ong ha u Lot, “Ki briew jong me bad ki briew jong nga kim dei ban ïakajia, namar ngi ïalong shi ïing shi sem.

2 SYIEM 14:9

Hynrei u syiem Jehoash u phah kylla ïa ka jubab kumne: “Shisien u dieng shiah ha ki Lum Lebanon u phah ïa ka khubor sha u dieng Kedar: ‘To ai ïa ka khun jong phi ban shongkurim bad u khun jong nga.’ U mradkhlaw u ïaid nangta bad u kyrdem ïa u dieng shiah shapoh.

PROBERB 14:17

Ki briew kiba shit khlieh ki leh ïa ki kam bieit; ki briew kiba stad ki long jai jai.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 16:32

Ka long kaba kham bha ban ïaishah ban ïa kaba long uba donbor. Ka kham bha ban don ka bor halor lade ban halor ki nongbah baroh.

PROBERB 17:14

Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

PROBERB 18:6

Haba uno uno uba bieit u sdang ïa ka jingïania, u pan kwah ïa ka jingshah sympat.

PROBERB 19:11

Lada phi long uba shemphang, phin lah ban kan ïa la ka jingbitar. Haba uno uno u leh bakla ïa phi, ka dei ka jinglong bakhraw ban leh klet ïa ka.

PROBERB 21:24

Pyni ha nga ïa u briew uba sarong bad ngan pyn-i ha phi ïa u briew uba hangamei, uba sarong bad u bym ju kheiñ briew.

PROBERB 26:17

Kaba leit tuklar ha ka jingïania ka bym dei ka kam jong phi ka long kumba leit sha lynti bah bad kem ïa u ksew na ki shkor.

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

JAKOB 3:14

Hynrei lada hapoh ka dohnud jong phi, phi don ka jingpihuiñ, bad khwan myntoi, to wat leh pop pyrshah ïa ka jingshisha da kaba kren sarong ïa la ka jingstad.

JAKOB 4:1

Nangno ki mih ki thma bad ki jingïakajia hapdeng jong phi? Ki mih na ki jingkwah brai jong phi ïa ka jingsngewbha, kiba ïai ïaleh hapoh jong phi.