PROBERB 20:20 - Khasi CL Bible (BSI)

²⁰ Lada phi tim ïa la ki kmie ki kpa, ka jingim jong phi kan kut kum ka sharak kaba lip noh ha kaba dum.

KA BAIBL

²⁰ Jar uba tim ïa la u kpa lane ïa la ka kmie, ïa ka sharak jong u yn pynlip ha ka jingdum baïong ngaiñ.

PROBERB 20:20 ပူးပေါင်းရင်းမြစ်များ

Ka Kitab U Job 18:18

Yn sa beh noh ïa u na ka ri jong kiba im, yn sa beh noh na ka jingshai sha ka jingdum.

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

EKSODOS 21:17

“Uta uba tim ïa la u kpa ne ïa la ka kmie u dei ban shah pynïap.

PROBERB 13:9

Kiba hok ki long kum ka jingshai kaba tyngshaiñ; ki bymman ki long kum ka sharak ka ban lip noh.

PROBERB 20:21

Kaba ïoh ïa ka spah da kaba suk eh, tang khyndiat eh kan pynbha ïa phi.

PROBERB 24:20

U riewsniew um don ïa ka lawei — ym don ei ei ba un peit sha khmat.

PROBERB 30:11

Don ki briew kiba tim ïa la ki kpa bad ki bym ju pyn-i ïa la ka jingïaroh ïa la ki kmie.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

LEBITIKOS 20:9

U Trai u la ai ïa kine harum ki jingbuhbeit ryntih. “Uno uno uba tim ïa la u kpa ne ïa la ka kmie un shah pynïap; u la kwah hi ïa ka jingïap.

MATHAÏOS 15:4

Namar U Blei u la ong, ‘To burom ïa la u kpa bad ïa la ka kmie,’ bad ‘Uno uno uba tim ïa la u kpa lane ïa la ka kmie u dei ban shah pynïap.’

MATHAÏOS 22:13

Nangta u syiem u la ong ïa ki shakri jong u, ‘To khum ïa u bad kti bad kjat, bad bret ïa u shabar ha kaba dum. Hangta un lynñiar bad kyr-iat la ki bniat.’ ”

MATHAÏOS 25:8

Nangta kita kiba bieit ki la ong ha kiba stad, ‘Ai lem ha ngi ïa ka umphniang jong phi, namar ki sharak jong ngi ki la jan lip.’

DEUTERONOMI 27:16

“ ‘Ka jingtim U Blei kan hap ha uta u briew uba pynjahburom ïa la u kpa lane ïa la ka kmie.’ “Bad u paidbah baroh un jubab lang, ‘Amen!’

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.