PROBERB 20:13 - Khasi CL Bible (BSI)

¹³ Lada phi pynlut ïa ka por ha kaba thiah, phin long uba duk. Ïai trei shitom bad phin ïoh kyrhai ka bam.

KA BAIBL

¹³ Wat ieit ïa kaba ïohthiah, ïoh ba men kylla duk; to peit la ki khmat, te yn pynkdang ïa me da u kpu.

PROBERB 20:13 ပူးပေါင်းရင်းမြစ်များ

PROBERB 10:4

Ka jinglong jaipdeh kan pynlong ïa phi ban kyrduh, hynrei ka jingtrei shitom kan pynriewspah ïa phi.

PROBERB 12:11

U nongrep uba trei shitom u don pahuh ka bam, hynrei ka long ka jingleh bieit ban pynlehnoh-ei ïa ka por ha ki kam bymmyntoi.

PROBERB 13:4

Kam pher katno u briew uba jaipdeh u thrang ban ïoh ïa kaei kaei, da lei lei un ym ïoh ïa ka. Uba trei shitom un ïoh ïa baroh kiei kiei kiba u kwah.

PROBERB 19:15

Leh jaipdeh lada phi kwah; ïai thiah sah, hynrei phin shahthngan.

PROBERB 20:14

U nongthied borabor u khñium ba ka dor ka rem eh, hynrei nangta u leit noh bad u kren sarong ba u la ïoh da kaba ïadait dor.

PROBERB 28:19

U nongrep uba trei shitom u don kyrhai ban bam. Ki briew kiba pynsyrwa ïa la ka por kin duk lynter.

PROBERB 31:15

Ka khie dang step phyrngab bad ka pynkhreh jingbam ïa kiba ha ka ïing jong ka, bad ban ong ïa la ki shakri kynthei ïa kaei kaba ki dei ban leh.

JONAH 1:6

U kapten u la shem ïa u hangta bad u ong ïa u, “Me leh aïu da kaba ïohthiah? To khie bad to duwai ha u blei jong me na ka bynta ka jingïarap. Lehse un sngewlem ïa ngi bad pyllait im ïa ngi.”

Ka Shithi U Paul Sha Ki Nong Rom 12:11

To trei shitom bad wat long kiba alhia. To shakri ïa U Trai da ka dohnud kaba aiti lut.

Ka Shithi U Paul Sha Ki Nong Rom 13:11

Phi dei ban leh ïa kane, namar phi tip ba ka por ka la poi na ka bynta jong phi ban kyndit noh na kaba ïohthiah. Naba ka khyllipmat ban pynim ïa ngi ka long kham hajan mynta ban ïa kaba mynba ngi la ngeit.

1 KORINTH 15:34

To wan phai pat sha ka jingtipbriew bad sangeh na ki lynti bapop jong phi. Nga pynbna ba phin lehrain ba don hapdeng jong phi ki bymtip ïa U Blei.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

2 THESSALONI 3:10

Mynba ngi dang don bad phi, ngi ju ïathuh ïa phi, “Ïa uno uno uba kyntait ban trei yn ym shah ba un bam.”