PROBERB 2:9 - Khasi CL Bible (BSI)

⁹ Lada phi shahshkor ïa nga, phin sa tip kaei kaba dei, kaba hok, bad kaba ïaid beit. Phin sa tip ïa kaei kaba phi dei ban leh.

KA BAIBL

⁹ Ynda kumta, men sngewthuh ïa ka hok bad ïa ka jingbishar, ïa ka jingbeit, bad ïa ka lynti babha baroh.

PROBERB 2:9 ပူးပေါင်းရင်းမြစ်များ

SALM 119:105

Ka ktien jong me ka long ka sharak ban ïalam ïa nga bad ka jingshai ïa ka lynti ïaid jong nga.

SALM 119:99

Nga shemphang kham palat ban ïa ki nonghikai jong nga baroh, namar nga puson ïa ki jingbthah jong me.

SALM 25:12

Kito kiba ai burom ïa U Trai kin ïoh jinghikai na u ïa ka lynti kaba ki dei ban bud.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

PROBERB 28:5

Ki briew kiba sniew kim sngewthuh kaei ka jinglehhok, hynrei kito kiba mane ïa U Trai ki sngewthuh bha ïa ka.

PROBERB 4:12

Yn ym don u ban pynwit ïa ka lynti jong phi lada phi ïaid kum uba stad, bad phin ym jynthut haba phi mareh.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 48:17

U Blei Bakhuid jong ki Israel, U Trai uba pynim ïa phi, u ong: “Nga long U Trai U Blei jong phi, uta uba kwah ban hikai ïa phi na ka bynta ka jingbha jong phi hi bad uba kdew ïa phi ïa ka lynti ba phi dei ban leit.

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.