PROBERB 2:6 - Khasi CL Bible (BSI)

⁶ Dei U Trai uba ai ïa ka jingstad; na u ka wan ka jingtip bad ka jingshemphang.

KA BAIBL

⁶ Naba U Trai u ai ka jingstad; na ka shyntur jong u ki mih ka jingtip bad ka jingshemphang:

PROBERB 2:6 ပူးပေါင်းရင်းမြစ်များ

1 SYIEM 10:24

bad ka pyrthei baroh kawei ka kwah ban wan bad sngap ïa ka jingstad ba U Blei u la ai ha u.

1 SYIEM 3:12

Ngan ai ha me bun ka jingstad bad ka jingshemphang ban ïa uno uno uba la don ha shuwa lane u ban sa ïoh pat hadien.

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

1 SYIEM 4:29

U Blei u la ai ha u Solomon ïa ka jingstad bad ka jingsngewthuh kiba kham pher, bad ïa ka jingtip kaba khraw palat ïa ka ban thew.

1 KHRONIKL 22:12

Bad ai ba U Trai U Blei jong me un ai ha me ka jingtip bad ka jingstad ba kumta me lah ban synshar ïa ka Israel kat kum ki Hukum jong u.

ESRA 7:25

“Ma me, ko Esra, da kaba pyndonkam ïa ka jingstad kaba U Blei jong me u la ai ha me, men thung ki nongsynshar bad ki nongbishar ki ban synshar ïa ki briew baroh jong ka Ïuphratis Sepngi kiba im da ka Hukum jong U Blei jong me. Me dei ban hikai ïa kato ka Hukum ha uno uno u bymtip ïa ka.

NEHEMAÏAH 7:5

U Blei u la pynkhih ïa ka mynsiem jong nga ban ïalum ïa ki briew bad ki nongïalam jong ki bad ki rangbah synshar bad ban khmih ïa ki jingbuh jingkynmaw ha ki ïing ki sem jong ki. Nga shem ïa ki jingbuh jingkynmaw ïa kito kiba la wan phai nyngkong na ka jinglongmraw, bad kane ka dei ka jingtip ba nga la ïoh:

Ka Kitab U Job 12:16

U Blei u long uba khlaiñ bad uba ïai jop; baroh ar ngut — uba shah shukor bad u nongshukor ki don hapoh ka bor jong u.

Ka Kitab U Job 22:22

Pdiang ïa ki jinghikai ba u ai; buh ïa ki ktien jong u ha ka dohnud jong phi.

Ka Kitab U Job 32:8

Hynrei dei U Mynsiem jong U Blei Badonbor Baroh uba wan sha ki briew bad uba ai ha ki ka jingstad.

SALM 119:104

Nga ïoh ka jingstad na ki aiñ jong me, bad kumta nga isih ïa ka jingleh basniew baroh.

SALM 119:34

To batai ïa ka aiñ jong me ha nga, bad ngan kohnguh ïa ka; ngan sumar ïa ka da ka dohnud jong nga baroh.

SALM 119:98

Ka hukum jong me ka don bad nga ha ka por baroh bad ka pynlong ïa nga uba kham stad ban ïa ki nongshun jong nga.

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

SALM 19:8

Ki aiñ ki jong U Trai ki long kiba dei, bad kito kiba kohnguh ïa ki, ki kmen. Ki hukum jong U Trai ki long kiba hok bad ki ai jingshemphang ïa ka jingmut.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 94:10

U mai ïa ki jaitbynriew — hato un ym pynshitom ïa ki? U long u nonghikai jong ngi baroh — hato un ym don jingtip ei ei?

EKSODOS 31:3

bad nga la pyndap ïa u da ka bor jong nga. Nga la ai ha u ka jingshemphang, ka jingtbit bad ka jingnang ban trei ïa ki jait kam baroh —

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

EKLESIASTIS 2:26

U Blei u ai ka jingstad, ka jingtip bad ka jingkmen ha kito kiba pynsngewbha ïa u, hynrei u pynlong ïa ki nongpop ban trei, ban kamai bad ban kynshew, ba kumta kaei kaba ki ïoh lah ban ai ha kito kiba pynsngewbha ïa u. Baroh ka long ka bymmyntoi. Ka long kum ka jingbeh ïa ka lyer.

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 2:23

Nga ïaroh ïa me bad pyndonburom ïa me, A U Blei ki kpa tymmen jong nga. Me la ai ha nga ka jingstad bad ka jingkhlaiñ; me la jubab ïa ka jingduwai jong nga bad me la pyn-i ha ngi kaei ba ngin ïathuh ha u syiem.”

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.