PROBERB 19:25 - Khasi CL Bible (BSI)

²⁵ Ïa ka jingsngewmeng dei ban pynshitom, khnang ba ki briew ki bym da sngewthuh bha kin ïoh jinghikai. Lada phi long uba stad, phin ïoh jinghikai haba pynbeit ïa phi.

KA BAIBL

²⁵ To shoh ïa u nongrkhiebeiñ, te uta u bymsian un nang ïa ka jingsian: bad to sneng ïa uba don ka jingshemphang, te un shemphang ïa ka jingtip.

PROBERB 19:25 ပူးပေါင်းရင်းမြစ်များ

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

PROBERB 1:5

Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 17:10

U briew uba shemphang u ïoh jinghikai kham bun na kawei ka jingsneng ban kaba uba bieit u ïoh jinghikai na kaba shah sympat shispah sien.

PROBERB 21:11

Haba uno uno u sngewsarong u ïoh ïa la ka jingpynshitom, wat u briew u bym don ka bor pyrkhat u ïoh jinghikai. Uta uba stad un nang na kata kaba la hikai ïa u.

PROBERB 9:7

Lada phi pynbeit ïa u briew uba hangamei, phin shu shah krenbeiñ. Lada phi mai ïa u riewbymman, phin shah pynmynsaw.

DEUTERONOMI 13:11

Te ki Israel baroh kin sa ïohsngew aïu ka la jia, bad kin sheptieng; bad yn ym don shuh mano mano u ban leh kum ïa kata ka kam bymman.

DEUTERONOMI 21:21

Te ki briew jong kata ka shnong kin lynthem maw ïa u haduh ba un da ïap, bad da kumta phin pynduh noh ïa kata ka jingbymman. Uwei pa uwei ha Israel un sa bna aïu ka la jia bad un sngewsheptieng.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.