PROBERB 19:21 - Khasi CL Bible (BSI)

²¹ Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

KA BAIBL

²¹ Don bun ki buit ha ka dohnud u briew; hynrei, ka jingpyrkhat U Trai, kata ka ban neh.

PROBERB 19:21 ပူးပေါင်းရင်းမြစ်များ

JENESIS 50:20

Phi shisha phi la thmu sniew ïa nga, hynrei U Blei u la pynphai ïa kata sha kaba bha, khnang ba bun ki briew kiba dang im mynta kin ïoh im namar kaba la jia.

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

Ka Kitab U Job 23:13

U long u bym ju kylla. Ym don ba lah ban ïeng pyrshah ïa u lane pynsangeh ïa u na kaba leh ïa kaei kaba u kwah ban leh.

SALM 21:11

Ki pyrkhat ïa ki buit jong ki bad thmu sniew pyrshah ïa u, hynrei kin ym lah ban jop.

SALM 83:4

“Ale,” ki ong, “ïa ngin pynduh noh khoit ïa ka hima jong ki; khnang ba yn klet noh junom ïa ki Israel.”

PROBERB 12:2

U Trai u sngewbha ïa ki briew kiba bha, hynrei u pynrem ïa kito kiba thmu sniew.

PROBERB 16:1

Ngi lah ban don ki jingthmu, hynrei khatduh ka rai ka dei jong U Blei.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

PROBERB 19:22

Ka long ka jingjahburom ban long uba khwan myntoi; ki briew kiba duk ki kham bha ban ïa ki nongshukor.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

EKLESIASTIS 7:29

Kane ka long baroh kaba nga la tip: U Blei u la thaw ïa ngi kiba synlar, hynrei ngi la pynjyrthiaw shibun eh ïa lade.

ISAÏAH 14:24

U Trai Badonbor Baroh u la smai ka jingsmai: “Kaei kaba nga la thmu kan jia. Kaei kaba nga la kut jingmut ban leh yn pyndep.

ISAÏAH 46:10

Naduh mynnyngkong nga la tip lypa ïa kaei ka ban mih; la slem bah nga la ïathuh lypa ïa kaei ka ban jia. Nga la ong ba ki jingthmu jong nga kin ym duh da lei lei, ngan leh ïa kiei kiei baroh kiba nga thmu ban leh.

JEREMAÏAH 44:29

Ma nga, U Trai, ngan ai ha phi ïa ka jingpynshisha ba ngan pynshitom ïa phi ha kane ka jaka bad ba ka jingkular jong nga ban wallam ïa ka jingpynjot ha phi kan urlong shisha.

ESEKIEL 20:32

Phi la pynbeit ïa la ki jingmut ba phi ïakwah ban long kum kiwei pat ki jaitbynriew, kum ki briew kiba shong basah ha kiwei pat ki ri bad kiba mane ïa ki dieng bad ki mawsiang. Hynrei kata kan ym long da lei lei.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

JUDAH 1:4

Naba don ki briew ki bymriewblei hapdeng jong ngi, kiba la syntuid noh khlem poi pyrkhat, ki briew kiba la pynkylla ïa ka khubor shaphang ka jingaiei jong U Blei jong ngi, khnang ban pynksan ïa la ki jingleh bajakhlia, bad kiba kyntait ïa U Jisu Khrist, uba long tang ma u hi U Kynrad bad U Trai jong ngi. La slem bah, ki Jingthoh Bakhuid ki la ïathuhlypa ïa ka jingpynrem kaba ki la ïohpdiang.