PROBERB 19:2 - Khasi CL Bible (BSI)

² Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

KA BAIBL

² Ruh, ba ka mynsiem ka long khlem jingtip kam long ka babha; bad uba pynkloi da la ki kjat u leh pop.

PROBERB 19:2 ပူးပေါင်းရင်းမြစ်များ

2 SYIEM 4:39

Uwei na ki u leit sha lyngkha ban ïoh katto katne ki jhur. U lap uwei u jyrmi khlaw bad u kheit bun tylli ki klong katba u lah ban kit. U la wanrah ïa ki bad ot dkhot ïa ki hapoh ka syrwa, khlem da tip ki dei kiba kumno.

Ka Kitab U Job 31:5

Nga smai ba ngam shym la leh kaba bymman; bad ngam ju pyrshang ban shukor ïa kiwei.

PROBERB 1:16

Kim lah ap ban leh ïa kaei kaei kaba sniew. Ki long borabor kiba kloi ban pynïap.

PROBERB 10:21

Ki ktien u briew uba bha ki pynmyntoi ïa kiba bun ki briew, hynrei phin pynïap ïa lade da ka jingmutlop.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 21:5

Da thmu bha bad phin ïoh kyrhai; lada phi leh kyrkieh palat phin nym dap biang.

PROBERB 25:8

Wat kyrkieh eh ban leit sha ïingbishar halor kaei kaei kaba phi ïohi. Lada uwei pat u nongsakhi hadien u pynshisha ba phi la bakla, kaei nangta phin leh?

PROBERB 28:20

Ki briew kiba lehhok kin ïoh ka jingim kaba kyrhai bad kaba suk. Hynrei lada phi long kyrkieh ban riewspah, phin ym lait na kaba shah pynshitom.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

PROBERB 29:20

Don katto katne ka jingkyrmen ïa u bieit uba mutlop ban ïa uno uno uba kren khlem pyrkhat.

EKLESIASTIS 12:9

Hynrei namar ba u Stad saiñpyrkhat u long uba stad, u ïai hikai ïa ki briew ïa kaei kaba u tip. U la pule bniah ïa ki proberb bad da kaba sngur mynsiem u da tynjuh ïa ka jingshisha jong ki.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

ÏOANNIS 16:3

Ki briew kin leh ïa kine kiei kiei ïa phi namar ba kim pat ithuh ïa U Kpa lymne ïa nga.

Ka Shithi U Paul Sha Ki Nong Rom 10:2

Nga lah ban ong skhem ïa phi ba ki long kiba ieit ïa U Blei naduh ka dohnud; hynrei ïa ka jingieit jong ki ïa U Blei, ym shym la pynshong nongrim ha ka jingtip bashisha.

PHILIPPI 1:9

Nga duwai ba ka jingieit jong phi kan nang ïoh roi kyrhai shuh shuh, ryngkat bad ka jingtip bashisha bad ka jingbishar bajanai; khnang ba phi lah ban jied ïa kaei kaba bha tam.