PROBERB 19:17 - Khasi CL Bible (BSI)

¹⁷ Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

KA BAIBL

¹⁷ Uta uba isynei ïa u baduk u ai kylliang ha U Trai, bad ïa ka kam babha jong u un sa siew pat ïa u.

PROBERB 19:17 ပူးပေါင်းရင်းမြစ်များ

2 SAMUEL 12:6

Namar ka jingleh ïa kaba kum kane ka jingleh barunar, u dei ban buria saw shah ïa kaba u la shim.”

SALM 41:2

U Trai un ïada ïa ki bad pynsah ïa ki jingim jong ki; un pynlong ïa ki, kiba suk ha ka ri; un ym iehnoh ïa ki ha ka bor jong ki nongshun jong ki.

SALM 72:13

U don jingisynei ïa kiba tlot bad kiba duk; u pynim ïa ka jingim jong kito kiba kyrduh.

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 14:31

Lada phi banbeiñ ïa ki briew kiba duk, phi ñiewbeiñ ïa U Blei uba la thaw ïa ki; hynrei ka jingpyn-i ïa ka jinglehsbun ïa kiba duk ka long ka kam jong ka jingmane.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

PROBERB 28:27

Ai ha kiba duk bad phin ym don ha ka jingkyrduh lano lano ruh. Lada phi khapbrip la ki khmat sha kiba duk, ki briew kiba bun kin tim ïa phi.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

EKLESIASTIS 11:1

Thep ïa ka pisa jong phi ha ka jingkhaïi bar ri bad ha kawei na kine ki sngi phin ïohnong.

EKLESIASTIS 11:2

Buh ïa ki jingthep pisa jong phi ha ki jaka babun — wat ha kiba bun ki jaka — namar ba phim tip da lei lei ka jait jingsniewbok aïu kaba phin ïoh ha kane ka pyrthei.

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

LOUKAS 6:38

Ai ha kiwei, bad U Blei un ai ha phi. Da shisha, phin ïohpdiang ka jingthew kaba dap biang, ka jingai basbun, kaba la theh ha ki kti jong phi — baroh kata kaba phi lah ban bat. Ka jingthew kaba phi pyndonkam na ka bynta kiwei ka long kata kaba U Blei un pyndonkam ïa phi.”

DEUTERONOMI 24:19

“Haba phi lum ïa u kew bad phi kum klet shi song ha lyngkha, wat leit tam shuh ïa u; ieh ïa u hangta na ka bynta ki nongwei, ki khunswet, bad ki riewkynthei, khnang ba U Trai U Blei jong phi un kyrkhu ïa phi ha ka kam jong phi baroh.

PHILIPPI 4:17

Ym dei tang namar ba nga shu kwah ban ïohpdiang ïa ki jingai sngewbha jong phi; pynban, nga kwah ban ïohi ba la pynlang ïa ka jingïohnong ha ka jingbuh jingkheiñ jong phi.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.