PROBERB 19:16 - Khasi CL Bible (BSI)

¹⁶ Sumar ïa ki hukum U Blei bad phin im slem; lada phi ñiewbeiñ ïa ki, phin ïap.

KA BAIBL

¹⁶ Uta uba sumar ïa ka hukum u sumar ïa la ka mynsiem: hynrei, u bymsuidñiew ïa la ki lynti, un ïap.

PROBERB 19:16 ပူးပေါင်းရင်းမြစ်များ

Ka Kitab U Job 5:2

Ban pynkhuslai ïa lade haduh ka jingïap da kaba ïaleh pyrshah, ka long ka jingleh bieit, ka jingleh bym don jingmut.

SALM 103:18

ha kito kiba batskhem ïa ka jutang jong u bad kiba ïaineh ha ka jingkohnguh ïa ki hukum jong u.

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 16:17

Kito kiba bha ki ïaid na ka lynti kaba lait na kaba sniew; te khmih shano ba phi leit — ka lah ban pyllait ïa ka jingim jong phi.

PROBERB 21:16

Ka jingïap ka ap ïa uta uba ïaid sakma na ka lynti ka jingshemphang.

PROBERB 21:23

Lada phi kwah ban lait na ka jingjynjar to sumar ïa kaei kaba phi ong.

PROBERB 22:5

Lada phi ieit ïa la ka jingim, phet krad na ki jingriam kaba pynngat ïa u bymman ha ka lynti ïaid.

PROBERB 29:18

Ka jaitbynriew kaba khlem ka jingïalam U Blei ka long ka jaitbynriew ka bym ïaid beit. A suk uta u briew uba sumar ïa ka hukum U Blei!

PROBERB 3:1

Ko khun jong nga, wat klet ïa kaei kaba nga hikai ïa phi, kynmaw borabor ïa kaei kaba nga ïathuh ïa phi ban leh.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

EKLESIASTIS 8:5

Katba phi dang kohnguh ïa ki hukum jong u, phi don ha ka jingshngain, bad u briew uba stad u tip kumno bad lano ban leh ïa ka.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

ESEKIEL 33:5

Ka jingïap jong u ka long na ka jingbakla jong u hi, namar um suidñiew ïa ka jingmaham. Lada u la shahshkor un jin da la lait im.

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

LOUKAS 10:28

“Me ong kaba dei,” U Jisu u la jubab; “to leh ïa kane bad men im.”

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

ÏOANNIS 14:15

“Lada phi ieit ïa nga, phin sumar ïa ki hukum jong nga.

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

1 ÏOANNIS 3:22

Ngi ïohpdiang na u ïa kano kano kaba ngi pan, namar ba ngi kohnguh ïa ki hukum jong u bad ngi leh ïa kaei kaba pynsngewbha ïa u.

1 ÏOANNIS 5:3

Naba ka jingieit jong ngi ïa U Blei, ka mut ba ngi kohnguh ïa ki hukum jong u. Bad ki hukum jong u kim long kiba eh katta katta ïa ngi,

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.