PROBERB 19:14 - Khasi CL Bible (BSI)

¹⁴ U briew u lah ban ïohpateng ïa ka ïing bad ka spah na la ki kmie ki kpa, hynrei tang U Trai uba lah ban ai ha u ïa ka tnga kaba shemphang.

KA BAIBL

¹⁴ Ka ïing bad ka spah ki long ka jinghiar pateng na ki kpa: hynrei, ka tnga kaba sian ka long na U Trai.

PROBERB 19:14 ပူးပေါင်းရင်းမြစ်များ

JENESIS 24:44

Lada ka mynjur bad tyrwa ruh ban wanrah um ïa ki ut jong nga, to ai ba kata kan long kaba me la jied kum ka tnga ïa u khun jong u kynrad jong nga.’

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

PROBERB 13:22

Ki briew kiba bha kin don ka spah ban ieh pateng ha ki ksiew jong ki, hynrei ka spah jong ki nongpop kan leit sha kiba hok.

PROBERB 18:22

Haba shem ïa ka tnga, phi shem ïa kaei kaba bha; ka pynpaw ba U Trai u lehbha ïa phi.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

2 KORINTH 12:14

Kane mynta ka long ka sien kaba lai ba nga la khreh ban wan jngoh ïa phi — bad ngan ym pynlong kino kino ki jingdawa na phi. Dei ïa phi ba nga kwah, ym ïa ka pisa jong phi. La kumno kumno, ki khun kim da dei ban pynbiang na ka bynta la ki kmie ki kpa, hynrei ki kmie ki kpa keiñ ki dei ban pynbiang na ka bynta la ki khun.

DEUTERONOMI 21:16

ha ka sngi ba uta u briew u rai ban sam ïa ka spah ka phew jong u ha la ki khun, um dei ban leh shiliang ïa u khun jong kata ka tnga ba u kham ieit da kaba ai noh ha u ïa ka bynta u khun nyngkong jong u.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

JOSHUA 11:23

U Joshua u la kurup ïa kata ka ri baroh kawei, kumba U Trai u la hukum ïa u Moses. U Joshua u la ai ïa ka ha ki Israel kum ka jong ki hi bad u la pynbynta ïa ka ha ki lyngkhot, kawei kawei na ka bynta kawei kawei ka jait. Kumta ki paidbah ki la shongthait na ka thma.