PROBERB 18:5 - Khasi CL Bible (BSI)

⁵ Kam long kaba dei ban pynksan ïa uba la rem bad ban khang ïa uba lui lui na kaba ïohpdiang ïa ka jingbishar hok.

KA BAIBL

⁵ Kaba shah shiliang ïa u bymman kam long ka babha, lymne kaba pynbakla ïa u bahok ha ka jingbishar.

PROBERB 18:5 ပူးပေါင်းရင်းမြစ်များ

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

SALM 82:2

“Phi dei ban sangeh noh na kaba bishar bymhok phim dei shuh ban ïashah shiliang ïa ki bymman!

EKSODOS 23:2

Wat ïabud lang bad kiba bun paid haba ki leh ïa ka bymdei, ne haba ki ai sakhi ban pynkylla khongpong ïa ka jingbishar hok.

EKSODOS 23:3

Wat leh shiliang khmat ïa uba duk haba bishar ïa u.

EKSODOS 23:6

“Wat pynduh ïa ka jingbishar hok ïa uba duk haba u wan ha ka ïingbishar.

PROBERB 17:15

Kaba pynrem ïa kiba lui lui lane kaba pynksan ïa ki bymman — baroh ar ki long ka jingijli ha U Trai.

PROBERB 17:26

Kam long kaba dei ban pynlong ïa u briew balui lui ban siew ïa ka kuna; ka pynkylla khongpong ïa ka jingbishar bahok haba ki briew kiba bha ki shah pynshitom.

PROBERB 24:23

Ki briew kiba stad ki don ruh ban ong ïa kine kiei kiei: Ka long ka bymdei ïa u nongbishar ban leh shiliang khmat.

PROBERB 28:21

Kaba ñiewshiliang ka long kaba bakla. Hynrei don katto katne ki nongbishar ki ban leh bymdei ban ïoh wat tang kaba rit tam ka jingbamsap.

PROBERB 31:5

haba ki dih, ki klet noh ïa ki aiñ bad ki lyndet noh ïa ki hok jong ki briew kiba kyrduh.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ISAÏAH 59:14

Ïa ka jingbishar hok la beh noh, bad ka hok kam lah ban wan hajan. Ka jingshisha ka kyllon ha ki lynti shnong, bad ka hok kam don jaka hangta.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

MATHAÏOS 22:16

Nangta ki la phah sha u katto katne ngut na ki synran jong ki bad katto katne ngut ki dkhot jong ka kynhun u Herod. “Ko Nonghikai,” ki la ong, “ngi tip ba me ïathuh ïa ka jingshisha. Me hikai ïa ka jingshisha shaphang ka mon U Blei na ka bynta u briew, khlem da khuslai shaphang kaei kaba ki briew ki pyrkhat, namar ba mem pyrkhat ïa ka kyrdan jongno jongno.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.