PROBERB 18:21 - Khasi CL Bible (BSI)

²¹ Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

KA BAIBL

²¹ Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

PROBERB 18:21 ပူးပေါင်းရင်းမြစ်များ

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

PROBERB 10:31

Ki briew kiba hok ki kren ïa ka jingstad, hynrei ïa u thylliej uba kren sniew yn pynsangeh.

PROBERB 11:30

Ka hok ka ai jingim, hynrei ka jinglehbor ka shim noh ïa ka.

PROBERB 12:13

Ki bymman ki shah riam ha ki ktien jong ki hi, hynrei ki briew kiba beit ki pyllait ïa lade na ka jynjar.

PROBERB 21:23

Lada phi kwah ban lait na ka jingjynjar to sumar ïa kaei kaba phi ong.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

2 KORINTH 11:15

Kumta kam long kaei kaei kaba khraw lada ki shakri jong u ki thawdur ïa lade ban i kum ki shakri jong ka hok. Ha kaba khatduh kin ïoh thik kumta ïa kaei kaba ki jingleh jong ki, ki dei hok.

2 KORINTH 2:16

Ïa kito kiba jah noh, ka dei ka jingiwtung kaba pynïap; hynrei ha kito kiba la pynim, ka long ka jingiwbih kaba wallam jingim. Uei keiñ, uba lah ban leh ïa kaba kum kata ka kam?

EPHESOS 4:29

Wat kren ïa ki ktien pynmong, hynrei, tang ki ktien kiba long ka jingïarap, kita keiñ kiba tei bad kiba ïadei tang ïa kata kaba donkam, khnang ba kaei kaba phi kren kan long kaba bha ïa kita kiba shahshkor ïa phi.

KOLOSSAI 4:6

Ka jingkren jong phi ka dei ban long borabor kaba sngewbang bad kaba sngewtynnat, bad phi dei ban tip kumno ban ai ka jubab kaba dei ha uwei uwei baroh.

2 PETROS 2:18

Ki kren ïa ki jingkren sarong bad ba-mutlop, bad ki riam pah da ki jingkwah brai jong ka doh ïa ki briew kiba dang shu sdang ban phet ïap napdeng ki briew kiba im ha ka jingleh bymdei.