PROBERB 18:15 - Khasi CL Bible (BSI)

¹⁵ Ki briew kiba shemphang ki long borabor kiba thrang bad ba kloi ban shah hikai.

KA BAIBL

¹⁵ Ka dohnud u basian ka ïoh ïa ka jingtip: bad ka shkor u bastad ka wad ïa ka jingtip.

PROBERB 18:15 ပူးပေါင်းရင်းမြစ်များ

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

Ka Kitab U Job 8:10

Hynrei ai ba ki riewstad mynbarim kin hikai ïa me, to sngap ïa kaei kaba ki don ban ong.

PROBERB 1:5

Kine ki proberb ki lah ban nang pynkhraw ïa ka jingtip jong ki riewstad bad kdew lynti ïa kiba la nang la tip,

PROBERB 10:14

Kiba stad ki ïoh ïa ka jingtip baroh kaba ki lah; hynrei haba kiba bieit ki kren, ka jingkulmar ka mih.

PROBERB 15:14

Ki briew kiba shemphang ki kwah ban ïoh hikai, hynrei ki briew kiba mutlop ki sngewhun ha ka jingbieit.

PROBERB 15:31

Lada phi shahshkor haba phi shah pynbeit, phi long kiba stad.

PROBERB 23:23

Ka jingshisha, ka jingstad, ka jingtip bad ka jingshemphang — kine ki long kiba kordor ba phin siew, hynrei kiba shongdor rem ïa phi ban die.

PROBERB 4:5

A to ïoh ïa ka jingstad bad ka jingshemphang! Wat klet lane leh bymsuidñiew ïa ki ktien jong nga.

PROBERB 4:7

Kaba ïoh ïa ka jingstad ka long kaei kaei kaba donkam tam ba phi dei ban leh. Nalor kaei kaei baroh kaba phi ïoh, to ïoh ruh ïa ka jingshemphang.

PROBERB 9:9

Kano kano kaba phi kren ïa u briew uba stad, kan pynlong ïa u ban nang kham stad. Kano kano kaba phi kren ha u briew uba hok kan nang pynroi ïa ka jingtip jong u.

LOUKAS 10:39

Ka don kawei ka para kaba kyrteng ka Mari, kaba la shong hajan ki kjat jong U Trai bad ka la pynshahshkor ïa ka jinghikai jong u.

EPHESOS 1:17

Nga kynmaw ïa phi ha ki jingduwai jong nga; bad nga kyrpad na U Blei jong U Jisu Khrist uba U Trai jong ngi, u Kpa uba dap da ka burom, ba un ai ha phi ïa U Mynsiem, u ban pynlong ïa phi kiba stad bad un pynpaw ha phi ïa U Blei, khnang ba phin ïoh tip ïa u.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.