PROBERB 18:10 - Khasi CL Bible (BSI)

¹⁰ U Trai u long kum ka kut baskhem, sha kaba kiba hok ki lah ban leit bad sngewshngain.

KA BAIBL

¹⁰ Ka kyrteng U Trai ka long ka kut baskhem: u bahok u phet sha ka, bad u skhem.

PROBERB 18:10 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 32:11

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.

2 SAMUEL 22:2

U Trai u long u nongïada jong nga, u long ka kut baskhem jong nga.

2 SAMUEL 22:3

U Blei jong nga u long ka jingïada jong nga; bad nga shngain bad u, U ïada ïa nga kum ka stieh; u da ïa nga bad ri pynim ïa nga. U long u nongpynim jong nga. U ïada ïa nga bad u pyllait im ïa nga na ka jingumsnam.

2 SAMUEL 22:51

U Blei u ai ki jingjop bakhraw ha u syiem jong u; u pynpaw ka jingieit baïaineh ha uba u la jied, ha u Dabid bad ha ki khun ki ksiew jong u junom.

SALM 144:2

U long u nongïada bad u nongkyrshan jong nga, ka jakarieh bad u nongpynim jong nga, ha uba nga shaniah ban lait na ka jingma. U jop ïa ki jaitbynriew hapoh jong nga.

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 20:2

To un phah ha me ïa ka jingïarap na ka Templ jong u bad ai ha me ka jingïarap na u Lum Seïon.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 91:14

U Blei u ong, “Ngan pynim ïa kito kiba ieit ïa nga, bad ngan ïada ïa kito kiba ithuh ïa nga kum U Trai.

SALM 91:2

u lah ban ong ha u, “Me long u nongkyrshan bad nongïada jong nga, me long U Blei jong nga; ha me nga shaniah.”

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

PROBERB 14:26

Ka jingtiengburom ïa U Trai ka wanrah ïa ka jingsngewskhem bad ka jingshngain ïa u briew bad ïa ka longïing jong u.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

ISAÏAH 26:4

To ngin shaniah ha U Trai junom; un ïada ïa ngi borabor.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

HABAKKUK 3:19

U Trai Nongsynshar u ai ha nga ka jingkhlaiñ. U pynlong ïa nga uba skhem ki kjat kum ka skei bad u sumar ïa nga halor ki lumbah.

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

1 SAMUEL 17:45

U Dabid u jubab, “Me wan ïaleh ïa nga da ka waitlam, da u lyngka, bad da u sum, hynrei nga wan pyrshah ïa me ha ka kyrteng U Trai Badonbor, U Blei jong ki kynhun ïapom ki Israel, ïa uba me la ñiewbeiñ.

1 SAMUEL 30:6

U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.