PROBERB 17:28 - Khasi CL Bible (BSI)

²⁸ Nalor baroh, wat ïa uba bieit la pyrkhat ba u long uba stad bad shemphang lada u shu shong jar jar bad set ïa la ka shyntur.

KA BAIBL

²⁸ Wat ïa u babieit, haba u sngap jar, la ñiew u bastad: haba u set ïa la ki rmiang shyntur, la kheiñ ïa u, u basian.

PROBERB 17:28 ပူးပေါင်းရင်းမြစ်များ

Ka Kitab U Job 13:5

Wat ong ei ei, bad don ki ban pyrkhat ba me long uba stad!

Ka Kitab U Job 32:16

Hato ngan ïai ap haduh ba kin da sngap jar? Ki shu ïeng hangto khlem don ei ei shuh ban ong.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 18:1

Ki briew ki bym ïadei bad kiwei ki pyrkhat tang ïa lade; kin ym ïahap bad kaei kaba baroh ki tip ba ka long kaba dei.

EKLESIASTIS 10:14

U bieit u kren bad ïai kren. Ym don mano mano batip kaei ka ban jia marbud, bad ym don mano mano ba lah ban ïathuh kan jia aïu hadien ba ngi ïap.

EKLESIASTIS 10:3

Ka jingmutlop jong u ka paw wat ha ki nongwei kiba u ïakynduh ha ka lynti; u ailad ïa iwei pa iwei ban tip ba u dei u bieit.

EKLESIASTIS 5:3

Kat phi nang bun jingkhuslai, katta phin ïoh ki jingphohsniew kynsha, bad kat phi nang bunktien katta phin liat ha kaba kren ïa kaei kaei kaba bieit.