PROBERB 17:23 - Khasi CL Bible (BSI)

²³ Ki nongbishar kiba bamsap ki pdiang ïa ki jingai ha kaba rieh, bad nangta kam don ka jingbishar hok.

KA BAIBL

²³ U riewbymman u shim ïa ka jingai na ka shadem, ïa ka ban pynbakla ïa ki lynti ka jingbishar.

PROBERB 17:23 ပူးပေါင်းရင်းမြစ်များ

EKSODOS 23:8

Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

PROBERB 17:8

Don ki briew kiba pyrkhat ba kaba pynbam sap ka treikam kum ka myntor; ki ngeit ba ka lah ban leh lut ïa kiei kiei.

PROBERB 18:16

Hato phi kwah ban ïakynduh ïa u briew uba khraw? Rah sha u ka jingai sngewbha bad kan pynsuk ïa phi.

PROBERB 21:14

Lada uno uno u bitar ïa phi, ka jingai sngewbha kaba ai ha kaba rieh ka pynjem jai ïa u.

EKLESIASTIS 7:7

Phi lah ban long uba stad, hynrei lada phi shukor ïano ïano, phi leh la kum u bieit. Lada phi shim klop, phi pynjot ïa la ka jinglong jingim.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

MIKAH 3:9

To shahshkor ïa nga, phi ki nongsynshar ki Israel, phi kiba isih ïa ka jingbishar hok bad pynkylla ïa kaba dei sha kaba bakla.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.