PROBERB 17:17 - Khasi CL Bible (BSI)

¹⁷ Ki paralok borabor ki pynpaw ïa ka jingieit jong ki. Ki hynmen ki para ki dei na ka bynta kaei lada kim ïarap lem ha por jingjynjar?

KA BAIBL

¹⁷ U lok u ieit ha ki por baroh, bad ïa u para la kha khnang hamar ka jingjynjar.

PROBERB 17:17 ပူးပေါင်းရင်းမြစ်များ

2 SAMUEL 1:26

“Nga pangnud namar jong me, ko Jonathan u para jong nga; Katno me long uba nga la sngewieit! Katno phylla long ka jingieit jong me ïa nga, Kham palat ban ïa ka jingieit ki kynthei.

2 SAMUEL 15:21

Hynrei u Ittai u jubab, “Ko Syiem kynrad, nga smai ha phi ha ka kyrteng U Trai ba ngan ïai leit bad phi kat shaba phi leit, wat la ka dei ban ïap.”

ESTHER 4:14

Lada pha sngap jar ha ka por kum kane, ka jingïarap kan wan na bneng ïa ki Jiw, bad kin lait im, hynrei phan ïap, bad ka longïing u kpa jong pha kan kut noh. Pynban mano ba lah ban tip — lehse ka dei na ka bynta ka por kum kane ba la pynlong mahadei ïa pha!”

PROBERB 16:28

Ki riewbymman ki pynphriang ïa ki ktien lorni; ki pynjynjar bad pynpra ïa ka jingïadei paralok.

PROBERB 18:24

Ki don ki jingïadei paralok ki bymneh, hynrei ki don ki paralok kiba lah ban shaniah palat ban ïa ki hynmen ki para.

PROBERB 19:13

U khun uba mutlop u lah ban wallam ka jingpynjot ha la u kpa. Ka tnga kaba bunktien ka long kum ka um kaba jaw jrop shi jrop.

PROBERB 19:7

Wat ki hynmen ki para jong u briew uba duk kim long jingmyntoi ïa u; kam pher ba um don paralok. Kam pher katno u pyrshang tyngeh, um lah ban ïoh paralok.

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

RUTH 1:16

Hynrei ka Ruth ka jubab, “Wat ong ïa nga ban iehnoh ïa phi! Shah ba ngan leit bad phi. Kat shaba phi leit, ngan leit; kat haba phi shong phi sah, hangta ngan shong ngan sah. Ki briew jong phi kin long ki briew jong nga, bad U Blei jong phi un long U Blei jong nga.

1 SAMUEL 18:3

U Jonathan u ïateh jutang jingïadei paralok bad u Dabid namar ka jingieit bajylliew ïa u.

1 SAMUEL 19:2

kumta u ong ha u, “I pa i pyrshang ban pynïap ïa phi. Sngewbha da leh husiar lashai mynstep; rieh ha ka jaka bym don batip bad sah hangta.

1 SAMUEL 19:3

Ngan leit bad ngan ïeng hajan i pa ha kata ka jaka ba phi rieh, bad ngan ïakren bad i shaphang jong phi. Lada nga shem ei ei, ngan sa ïathuh ïa phi.”

1 SAMUEL 20:17

Sa shisien pat u Jonathan u pynlong ïa u Dabid ban kular ban ieit ïa u, naba u Jonathan u ieit ïa u Dabid kumba u ieit ïa lade hi.

1 SAMUEL 23:16

U Jonathan u la leit sha u hangta bad u la pynshlur ïa u da ka jingpynthikna ïa ka jingïada jong U Blei,