PROBERB 17:14 - Khasi CL Bible (BSI)

¹⁴ Ka jingsdang ïa ka jingïakajia ka long kum ka jingbthei banyngkong jong ka den-um; pynsangeh ïa ka ha shuwa ba kan ïaid sha khmat.

KA BAIBL

¹⁴ Ka jingsdang ka jingïaleh ka long kum haba uwei u pyllait noh ïa ka um: namar kata, to pynwai noh ïa ka jingïapyneh, katba ym pat long ka jingïakajia.

PROBERB 17:14 ပူးပေါင်းရင်းမြစ်များ

2 SAMUEL 19:41

Nangta baroh ki Israel ki la leit sha u syiem bad ki ong ha u, “Ko Syiem Kynrad, balei ki hynmen ki para shynrang jong ngi, ki rangbah ka Judah, ki pyrkhat ba ki don ka hok ban rah noh ïa phi bad synran ïa phi, ïa ka longïing jong phi, bad ïa ki rangbah jong phi sha shiliang ka Jordan?”

2 KHRONIKL 13:17

U Abijah bad ka kynhun shipai jong u ki thom ïa ki Israel da ka jingjop kaba khraw — shiteng na ki shipai bakynsai ka Israel ki la shah pynïap.

PROBERB 13:10

Kiba leh meng kim leh ei ei hynrei tang ban pynmih jingkulmar. Ka long kaba kham stad ban da pan ïa ka jingai jingmut.

PROBERB 14:29

Lada phi long jai jai, phi long kiba stad, hynrei lada phi long kiba shit khlieh, phi shu pyn-i katno ka jinglong mutlop phi long.

PROBERB 15:1

Ka jubab kaba jem ka tem ïa ka jingbitar, hynrei kaba khor ka pynkhih bitar.

PROBERB 16:32

Ka long kaba kham bha ban ïaishah ban ïa kaba long uba donbor. Ka kham bha ban don ka bor halor lade ban halor ki nongbah baroh.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

PROBERB 19:11

Lada phi long uba shemphang, phin lah ban kan ïa la ka jingbitar. Haba uno uno u leh bakla ïa phi, ka dei ka jinglong bakhraw ban leh klet ïa ka.

PROBERB 20:3

Uno uno uba bieit u lah ban sdang ïa ki jingïania; kaba donburom ka long ban kiar na kine.

PROBERB 25:8

Wat kyrkieh eh ban leit sha ïingbishar halor kaei kaei kaba phi ïohi. Lada uwei pat u nongsakhi hadien u pynshisha ba phi la bakla, kaei nangta phin leh?

PROBERB 26:21

U rnga u pynrhem ïa ka ding, ka diengïap ka pynmeh ïa ka, u nongthaw jingkulmar u pynshit ïa ki jingïamai.

PROBERB 29:22

Ki briew kiba kloi ban bitar ki pynlong shibun ki jingïakajia bad ki jingkulmar.

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

1 THESSALONI 4:11

Pynlong ïa ka, ka jingthmu jong phi ban im ka jingim kaba jar jar, ban pyrkhat ïa la ka kam, ban kamai na ka bynta ka jingim jong phi hi, kumba ngi la bthah ïa phi mynshuwa.