PROBERB 17:11 - Khasi CL Bible (BSI)

¹¹ Ka jingïap kan wan kum u nonglamktien barunar ïa ki riewbymman kiba pynkhih jingkulmar borabor.

KA BAIBL

¹¹ U briew u basniew u wad tang ïa ka jingïaleh pyrshah; namar kata, yn phah ïaleh ïa u da u nonglam-ktien uba dom.

PROBERB 17:11 ပူးပေါင်းရင်းမြစ်များ

2 SAMUEL 15:12

Bad katba u dang ai jingkñia, u Absalom u phah khot ruh na ka shnong Gilo ïa u Ahithophel, uba long uwei na ki nongaibuit jong u Syiem Dabid. Ka jingthmu barieh pyrshah ïa u syiem ka nang jur, bad ki nongbud jong u Absalom ki nang bun.

2 SAMUEL 18:15

Nangta shiphew ngut na ki shipai jong u Joab ki ker sawdong ïa u Absalom bad pyndep ban pynïap ïa u.

2 SAMUEL 18:19

Nangta u Ahimaas, u khun jong u Sadok u ong ha u Joab, “Shah ngan leit sha u syiem bad ka khubor babha ba U Trai u la pyllait im ïa u na ki nongshun jong u.”

2 SAMUEL 20:1

Ka leit jia ryngkhat ba don ha Gilgal, uwei u riewkai uba kyrteng u Sheba, u khun jong u Bikri, uba na ka jait Benjamin. U put ïa ka turoi bad u pyrta, “Weng ïa u Dabid! Ngin ym bud ïa u! Ïa noh sha ïing, ko Israel!”

2 SAMUEL 20:22

Nangta ka leit sha ki briew jong ka nongbah lem bad ka jingthmu jong ka, bad ki la khrai ïa ka khlieh jong u Sheba bad bret ïa ka sha u Joab nalor ka kynroh. U la put ïa ka turoi kum ka dak ïa ki rangbah jong u ban iehnoh ïa ka nongbah, bad ki leit phai noh sha ïing. Bad u Joab u la leit phai noh sha Jerusalem sha u syiem.

1 SYIEM 2:31

“Leh kumba u Joab u ong,” u Solomon u jubab. “Pynïap ïa u bad tep ïa u. Nangta ym ma nga ne mano mano na ki khun ki ksiew jong u Dabid ki ban shah kynnoh shuh na ka bynta kaei kaba u Joab u la leh haba u la pynïap ïa ki rangbah kiba lui lui.

1 SYIEM 2:46

Nangta u syiem u ai hukum ha u Benaïah, uba la mih shabar bad pynïap ïa u Shimei. U Solomon mynta u la ïoh ka jingsynshar kaba pura.

PROBERB 17:10

U briew uba shemphang u ïoh jinghikai kham bun na kawei ka jingsneng ban kaba uba bieit u ïoh jinghikai na kaba shah sympat shispah sien.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

PROBERB 24:21

Ko khun, tiengburom ïa U Trai bad burom ïa u syiem. Wat leh ei ei bad ki briew kiba ïeng ïaleh pyrshah ïa ki;

MATHAÏOS 21:41

“Da shisha un pynïap ïa kito ki briew kiba sniew,” ki la jubab, “bad un aiwai ïa ka bri sohwaiñ ha kiwei pat ki nongshimwai, ki ban ai ha u ïa ka bhah jong u na ka jingkheit ha ka por kaba biang.”

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”