PROBERB 16:8 - Khasi CL Bible (BSI)

⁸ Ka kham bha ban don khyndiat, kaba la kamai da ka hok, ban ïa kaba ïoh shibun, ba la lum da ka jingbymhok.

KA BAIBL

⁸ Lah kaba khyndiat lem bad ka hok ban ïa shibun ka khajna lem bad ka jingbymhok.

PROBERB 16:8 ပူးပေါင်းရင်းမြစ်များ

SALM 37:16

Kaba khyndiat ba u briew bahok u don ka kham kordor shibun ban ïa ka spah jong ki bymman baroh.

PROBERB 15:16

Ka kham bha ban long kiba duk bad ba sheptieng ïa U Trai ban ïa kaba long kiba riewspah bad shah jynjar.

PROBERB 15:17

Ka kham bha ban bam ïa ki jhur bad ki briew kiba ieit ïa phi ban ïa kaba bam ïa ka doh kaba bha tam ha kaba don ka jingpihuiñ.

PROBERB 16:7

Haba phi pynsngewbha ïa U Trai, phi lah ban pynkylla paralok ïa ki nongshun jong phi.

PROBERB 16:9

Phi lah ban don la ki jingthmu, hynrei dei U Blei uba ïalam ïa ki jingpyntreikam jong phi.

PROBERB 17:1

Ka kham bha ban bam ïa u kpu ba la tyrkhong lem bad ka jingsuk mynsiem ban ïa kaba bam khawai ha ka ïing kaba dap da ki jingjynjar.

PROBERB 28:6

Ka kham bha ba duk bad ba long hok ban ïa kaba riewspah bad ïaid kynriang.

EKLESIASTIS 4:6

Ka lah ban long kumta, hynrei ka long kaba kham bha ban don tang khyndiat, bad ka jingpalei jingmut, ban ïa kaba bunkam shi lynter da ki kti baroh ar tylli, da kaba pyrshang ban kem ïa ka lyer.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

MIKAH 6:10

Ha ki ïing jong ki briew kiba sniew don ki jingkynshew kiba ki la lum da kaba leh bymhok. Ki pyndonkam da ki jingthew bashukor, kaei kaei kaba nga isih.