PROBERB 16:6 - Khasi CL Bible (BSI)

⁶ Long kiba kohnguh bad kiba ïaineh, bad U Blei un map ïa ka pop jong phi. To kohnguh ïa U Trai bad kaba sniew kan ym jia ha phi.

KA BAIBL

⁶ Da ka jingisynei bad ka jingshisha, ïa ka jingleh bymhok la ju sait noh: bad da ka jingsheptieng ïa U Trai, ki briew ki kynriah na ka basniew.

PROBERB 16:6 ပူးပေါင်းရင်းမြစ်များ

JENESIS 20:11

U Abraham u jubab, “Nga la pyrkhat ba yn ym don hangne kiba sheptieng burom ïa U Blei, ba kumta kin pynïap ïa nga ban ïoh ïa ka tnga jong nga.

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

NEHEMAÏAH 5:9

Nangta nga ong, “Kaei kaba phi leh ka long kaba bakla! Phi dei ban kohnguh ïa U Blei bad leh ïa kaei kaba dei, khnang ba phin ym pynlong ïa ki nongshun jong ngi, ki Jentil, ïa kano kano ka daw ba kin krenbeiñ ïa ngi.

Ka Kitab U Job 28:28

U Blei u ong ïa ki briew, “Ban long uba stad, phi dei ban don ka jingtiengburom ïa U Trai. Ban shemphang, phi dei ban phai noh na kaba sniew.”

SALM 85:10

Ka jingieit bad ka jingïaineh kin ïashem; ka hok bad ka jingsuk kin ïakdup.

EKSODOS 1:17

Hynrei kita ki nongpynkha khun ki dei kiba sheptieng ïa U Blei; kumta kim shym kohnguh ïa u, hynrei ki shah ba ki khun shynrang kin im.

EKSODOS 20:20

U Moses u jubab, “Wat sheptieng, U Blei u la wan tang ban tynjuh ïa phi bad pynlong ïa phi ban ïai kohnguh ïa u, khnang ba phin ym leh pop.”

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 14:2

Long kiba beit bad phi pyn-i ba phi don ka jingtiengburom ïa U Trai; long kiba kynriang bad phi pyn-i ba phim don ïa kata.

PROBERB 14:27

Hato phi kwah ban lait na ka jingïap? Ka jingtiengburom ïa U Trai ka long ka umpohliew ka jingim.

PROBERB 16:5

U Trai u isih ïa baroh kiba leh meng; da lei lei un ym shah ba kin lait na ka jingpynshitom.

PROBERB 20:28

U syiem un ïai don ha ka bor katba ka jingsynshar jong u ka dang long kaba khuid, kaba hok, bad kaba biang.

PROBERB 3:3

Wat ai ba ka jinglong bashaniah bad baïaineh kin iehnoh ïa phi. Teh ïa ki sawdong ka ryndang jong phi; thoh ïa ki ha ka dohnud jong phi.

PROBERB 3:7

Wat buh ka jingpyrkhat ha lade ba phi kham stad ban ïa kaba phi long; shu kohnguh beit ïa U Trai, bad kiar ban leh ïa kaba sniew.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

DANIEL 4:24

“Kane, te, ka long kaei ba ka mut, ko Syiem Kynrad, bad kane ka long kaei kaba U Blei Bahakhlieh Tam Eh u la pynbna ba kan jia ha phi.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

LEBITIKOS 25:17

Wat shukor ïa la u para Israel, hynrei kohnguh ïa U Trai uba U Blei jong phi.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

KI KAM 15:9

Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

EPHESOS 5:21

To pyndem ïa lade iwei ha iwei pat namar ka jingsheptieng burom jong phi ïa U Khrist.

DEUTERONOMI 30:13

Kam don ruh ha shiliang duriaw. Phim donkam ban da kylli, ‘Uei keiñ u ban leit sha shiliang duriaw bad wallam ïa ka sha ngi, khnang ba ngi lah ban ïohsngew bad kohnguh ïa ka?’

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.