PROBERB 16:22 - Khasi CL Bible (BSI)

²² Ka jingstad ka long ka umpohliew jong ka jingim ha kiba stad, hynrei kaba pyrshang ban ai jinghikai ïa kiba mutlop ka long tang ka jingpynlut kai ïa ka por.

KA BAIBL

²² Ka jingshemphang ka long ka pukri umpohliew ka jingim ha uta uba don ïa ka: hynrei, ka jingsneng jong ki babieit ka long ka jingbieit jong ki.

PROBERB 16:22 ပူးပေါင်းရင်းမြစ်များ

PROBERB 10:11

Ki ktien u briew uba bha ki long ka umpohliew ka jingim, hynrei ki ktien u briew uba bymman ki buhrieh ïa ka jinglong ba leh jubor.

PROBERB 13:14

Ki jinghikai jong kiba stad ki long ka umpohliew ka jingim; kin ïarap ïa phi ban lait im haba ka jingim jong phi ka don ha ka jingma.

PROBERB 14:27

Hato phi kwah ban lait na ka jingïap? Ka jingtiengburom ïa U Trai ka long ka umpohliew ka jingim.

PROBERB 15:2

Haba ki briew kiba stad ki kren, ki pynlong ïa ka jingtip kaba pdiang hun, hynrei ki briew kiba mutlop ki khlei ïa ka jingbieit.

PROBERB 15:28

Ki briew kiba bha ki pyrkhat ha shuwa ban jubab. Ki briew kiba sniew ki kloi ban jubab, hynrei ka wallam jingeh.

PROBERB 16:21

U briew uba stad, uba rangbah jingmut u long uba paw ha ka jingshemphang jong u. Katba nang sngewtynnat ki ktien ba u kren, katta u nang lah ban pynkohnguh.

PROBERB 16:23

Ki briew kiba shemphang ki da pyrkhat ha shuwa ban kren; ki lah ban pynkohnguh da kaei kaba ki ong.

PROBERB 18:4

Ki ktien jong u briew ki lah ban long ka umpohliew ka jingstad, kaba jylliew kat ki duriaw-bah, kaba sngur kum ki wahduid batuid.

PROBERB 18:7

Haba uba bieit u kren, u pynjot ïa lade; u ngat ha ka jingriam jong ki ktien jong u hi.

PROBERB 3:22

Kin ai ha phi ïa ka jingim — ka jingim kaba sngewtynnat bad kaba kmen.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:63

Kaei kaba ai jingim dei U Mynsiem jong U Blei; ka bor briew kam myntoi ei ei ruh em. Ki ktien kiba nga la kren ha phi ki wallam ïa U Mynsiem ba ai jingim jong U Blei.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.