PROBERB 16:20 - Khasi CL Bible (BSI)

²⁰ Pynleit jingmut ïa kaei ba la hikai ïa phi, bad phin ïoh manbha; shaniah ha U Trai bad phin long uba kmen.

KA BAIBL

²⁰ Uta uba pynshahshkor ïa ka ktien un shem ïa ka babha: bad jar uba shaniah ha U Trai, suk uta keiñ.

PROBERB 16:20 ပူးပေါင်းရင်းမြစ်များ

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

SALM 125:1

Kito kiba shaniah ha U Trai ki long kum u lum Seïon, u bym lah ban pynkhynñiuh, u bym lah ban pynkhih.

SALM 146:5

Suk uta u briew uba don U Blei jong u Jakob ban ïarap ïa u bad uba shaniah ha U Trai U Blei jong u,

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 32:10

Ki bymman kin shahshitom, hynrei ïa kito kiba shaniah ha U Trai yn ïada ïa ki da ka jingieit baneh jong u.

SALM 34:8

To mad da lade katno U Trai u long uba bha. Suk kita kiba shem jingshngain ha u!

PROBERB 13:13

Lada phi kyntait ïa ka jingai jingmut kaba bha, phi pan ïa ka jingjynjar; bud ïa ka bad phin lait im.

PROBERB 13:15

Ka jingshemphang ka pynïoh ïa ka jingñiewburom, hynrei kito ki bym lah ban shaniah ki don ha ka lynti sha ka jingjot.

PROBERB 17:2

U shakri uba sian un ïoh long khlieh halor u khun bymlarkam jong u kynrad bad ïohpdiang shi bynta na ka jingïohpateng.

PROBERB 19:8

Lehbha ïa lade bad wad jinghikai kat kaba phi lah; nangta kynmaw ïa kaei kaba phi ïoh jinghikai bad phin manbha.

PROBERB 8:35

U briew uba shem ïa nga u shem ïa ka jingim, bad U Trai un sngewbha ïa u.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:23

U syiem u la kmen shikatdei bad u la ai hukum ba yn tan noh ïa u Daniel na ka thliew. Kumta ki la tan ïa u shajrong bad ki la ïohi ba um shym la mynsaw ei ei, namar u la shaniah ha U Blei.

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.