PROBERB 16:2 - Khasi CL Bible (BSI)

² Phi lah ban pyrkhat ba baroh kaba phi leh ka long kaba dei, hynrei dei U Trai uba bishar ïa ki jingthmu jong phi.

KA BAIBL

² Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

PROBERB 16:2 ပူးပေါင်းရင်းမြစ်များ

SALM 36:2

Namar u pyrkhat khraw eh ïa lade, u pyrkhat ba U Blei un ym lap ïa ka pop jong u bad pynrem ïa ka.

PROBERB 12:15

Ki briew kiba mutlop borabor ki pyrkhat ba ki leh ïa kaba dei. Ki briew kiba stad ki shahshkor ïa ki jingpyn-i lem.

PROBERB 16:25

Kaei kaba phi pyrkhat ba ka long ka lynti kaba dei ka lah ban ïalam sha ka jingïap.

PROBERB 17:3

Ïa ka ksiar bad ïa ka rupa la phrang ha ka ding, bad ïa ka dohnud jong u briew la phrang da U Trai.

PROBERB 21:2

Phi lah ban tharai ba baroh kat kaba phi leh ka long kaba dei, hynrei kynmaw ba U Trai u bishar ïa ki jingthmu jong phi.

PROBERB 24:12

Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 30:12

Don ki briew kiba tharai ba ki long kiba khuid hynrei kiba dap da ka tngit suda.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

ISAÏAH 26:7

A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

DANIEL 5:27

Ka jingthew, ïa phi la thew ha ki tarajur bad la shem ba phi duna palat;

JINGKHEIÑ 22:32

U angel u la kylli, “Balei me da sympat kumne ïa la ka kada ha kine lai sien? Nga la wan ban khang lynti ïa me namar mem shym la dei ban leit sha kane ka jingleit.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

NONGBISHAR 17:6

Ym pat don syiem ha Israel ha kata ka por; uwei pa uwei u leh katba u sngewbha.

NONGBISHAR 7:6

La don laispah ngut ki rangbah kiba tong um da ki kti jong ki bad jliah ïa ka; baroh kita kiwei pat ki dem khohsiew ban dih um.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”

1 SAMUEL 2:3

Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.