PROBERB 16:18 - Khasi CL Bible (BSI)

¹⁸ Ka jingsarong ka ïalam sha ka jingjot, bad ka jingsngewmeng sha ka jingkyllon noh.

KA BAIBL

¹⁸ Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

PROBERB 16:18 ပူးပေါင်းရင်းမြစ်များ

ESTHER 3:5

U Haman u la bitar haba u la sngewthuh ba u Mordekai un ym dem khohsiew ïa u,

ESTHER 6:6

Kumta u Haman u wan shapoh, bad u syiem u ong ha u, “Don uba nga kwah eh ban lehburom. Kaei kaba ngan leh na ka bynta une u briew?” U Haman u la pyrkhat ha lade, “Mynta ïano u syiem u kwah eh ban pyndonburom? Dei ïa nga keiñ.”

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

PROBERB 11:2

Ki briew kiba sarong kin shah pynjahburom. Ka long kaba kham stad ban long kiba sngewrit.

PROBERB 17:19

Ban sngewtynnat ïa ka pop ka long ban sngewtynnat ban thaw jingkulmar. Lada phi kob man ka por, phi pan kwah ïa ka jingjynjar.

PROBERB 18:12

Ym don uno uno uba ïoh burom lymda u long uba sngewrit; ki briew kiba meng ki don ha ka lynti sha ka jingjot.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

PROBERB 8:13

Ban pyndonburom ïa U Blei ka long ban isih ïa kaba sniew; nga isih ïa ka jingsarong bad ka jingsngewmeng, ïa ki lynti bymman bad ki ktien lamler.

ISAÏAH 37:38

Ha kawei ka sngi katba u dang mane ha ka Templ jong U Blei jong u, u Nisrokh; ar ngut na ki khun shynrang jong u, u Adrammelekh bad u Shareser, ki la pynïap ïa u da ki waitlam bad nangta ki la phet ban lait im sha ka ri Ararat. Uwei pat na ki khun shynrang jong u, u Esarhaddon u la long u patsha hadien jong u.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

ESEKIEL 28:17

Me la sngewsarong ba me long uba bhabriew, bad ka nam jong me ka la pynlong ïa me ban leh kum u bieit. Namar kane nga la bret ïa me sha khyndew bad ieh ïa me kum ka jingmaham ïa kiwei pat ki syiem.

ESEKIEL 29:9

Ka Ijipt kan long kaba suda khlem jingmyntoi. Te phin tip ba nga long U Trai. “Namar me la ong ba ka wah Nile ka dei ka jong me bad ba me la pynlong ïa ka,

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 5:22

“Hynrei ma phi, u khun jong u, phim shym la pynrit ïa lade, wat la phi la tip ïa kane baroh.

DANIEL 5:24

Dei kata keiñ balei U Blei u la phah ïa ka kti ban thoh ïa kine ki kyntien.

MATHAÏOS 26:74

Nangta u Petros u la ong, “Nga smai ba nga ïathuh ïa ka jingshisha! Ai ba U Blei un pynshitom ïa nga lada ngam long kumta! Ngam ithuh ïa uta u briew!” Kumta hi u syiar u la kyn-ih,

LOUKAS 14:9

bad ba u nongpdiang ïa phi, uba la khot sngewbha ïa phi baroh ar ngut, un hap wan bad ong ha phi, ‘Ai noh ha u ïa kane ka jaka shong.’ Nangta phin sngewlehrain bad wan ban shong ha ka jaka ba hapoh eh.

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

NONGBISHAR 11:28

Hynrei u syiem Ammon um patiaw ei ei ruh em ïa kane ka khubor na u Jephthah.

1 SAMUEL 17:42

U ïai wan kham sha jan, bad haba u la ïohi shai ïa u Dabid, u la dap da ka jingbitar shla ïa u namar ba u long tang u khynnah uba saw ngab, uba phyrnai khmat.