PROBERB 15:8 - Khasi CL Bible (BSI)

⁸ U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

KA BAIBL

⁸ Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 15:8 ပူးပေါင်းရင်းမြစ်များ

2 SAMUEL 15:12

Bad katba u dang ai jingkñia, u Absalom u phah khot ruh na ka shnong Gilo ïa u Ahithophel, uba long uwei na ki nongaibuit jong u Syiem Dabid. Ka jingthmu barieh pyrshah ïa u syiem ka nang jur, bad ki nongbud jong u Absalom ki nang bun.

1 SYIEM 3:10

U Trai u la sngewbha ba u Solomon u la pan ïa kane,

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

SALM 17:1

To shahshkor, A Trai, ïa ka jingkyrpad jong nga ïa ka jingbishar hok; to sngap ïa ka jingkyang jong nga ban ïoh jingïarap! To shahshkor ïa ka jingduwai sngur mynsiem jong nga.

PROBERB 10:24

Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

PROBERB 15:29

Haba ki briew kiba bha ki duwai, U Trai u shahshkor, hynrei u long jngai ïa kito kiba leh sniew.

PROBERB 15:7

Ïa ka jingtip la pynphriang da ki briew kiba stad, ym da kiba bieit.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

EKLESIASTIS 5:1

Da sumar shaphang kaba leit sha ka Templ. Ka kham bha ban leit hangta ban ïoh jinghikai ban ïa kaba ai jingkñia kum ki briew ba-bieit ki bymtip ïa kaba dei na kaba bakla.

JINGRWAI SOLOMON 2:14

Phi long kum ka lyngdkhur kaba rieh ha ki khap jong u mawsiang. Ai ngan ïohi ïa ka durkhmat ba-bhabriew jong phi bad ïohsngew ïa ka sur bakhring jong phi.

ISAÏAH 61:8

U Trai u ong, “Nga ieit ïa ka jingbishar hok bad nga isih ïa ka jingbanbeiñ bad ka jingleh runar. Da shisha ngan sa ai bainong ïa ki briew jong nga bad ngan pynlong ka jutang kaba neh junom bad ki.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

DANIEL 9:23

Mynba me la sdang ban ïasaid bad U Blei, u la jubab ïa me. U ieit ïa me, bad kumta nga la wan ban ïathuh ïa ka jubab ha me. Mynta to pynshahshkor katba nga dang batai ïa ka jingïohipaw.

LEBITIKOS 7:18

Lada la bam ïa ka ha ka sngi kaba lai, U Blei un ym pdiang ïa ka jingainguh jong uta u briew. Ïa kata ka jingainguh yn ym ñiew kum ka jingainguh jong u hynrei yn kheiñ ba ka long ka bymkhuid, bad uno uno uba bam ïa ka un kit hi ïa la ka pop.

MIKAH 6:6

Da-ei ngan wallam sha U Trai, U Blei ka bneng, haba nga wan ban mane ïa u? Hato ngan wallam sha u da ki khun masi bakynsai tam kum ki jingainguh thang?

MIKAH 6:7

Hato U Trai un sngewbha lada nga wallam sha u da ki hajar ki langbrot lane da ka umphniang Olib kaba tuid khlem kut? Hato ngan ai ha u da u khun nyngkong jong nga ban siew na ka bynta ki pop jong nga?

HAGGAI 2:14

Nangta u Haggai u la ong, “U Trai u ong ba kata kajuh kaei kaei ka treikam ha ki briew jong kane ka hima bad ha baroh kiei kiei ba ki pynmih; bad baroh ba ki ai ha ka duwan ka long ba la pyntngit.”

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

ÏOANNIS 4:24

U Blei u long U Mynsiem, bad tang ha ka bor U Mynsiem jong u ba ki briew ki lah ban mane ïa u kumba u long hi.”