PROBERB 15:5 - Khasi CL Bible (BSI)

⁵ Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

KA BAIBL

⁵ U babieit u ñiewbeiñ ïa ka jinghikai u kpa jong u: hynrei, uba ñiewkor ïa ka jingsneng u ïoh ka jingsian.

PROBERB 15:5 ပူးပေါင်းရင်းမြစ်များ

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

SALM 141:5

U briew uba bha u lah ban pynshitom ïa nga bad sneng ïa nga ha ka jingsbun, hynrei ngan ym lah ban pdiang ïa ka burom na ki briew kiba sniew. Namar nga ju duwai borabor pyrshah ïa ki kam basniew jong ki.

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

PROBERB 1:7

Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 10:1

Kine ki long ki proberb u Solomon: U khun uba stad u pynsngew sarong ïa la u jong u kpa; uba bieit u wallam ka jingsngewsih ïa la ka kmie.

PROBERB 13:1

Ki khun kiba stad ki shahshkor haba ki kmie ki kpa ki pynbeit ïa ki, hynrei ki briew kiba sarong da lei lei kin ym phla ba ki la bakla.

PROBERB 13:18

Kino kino ki bym kwah ban shah hikai kin ïailong kiba kyrduh. Hynrei uno uno uba sngap ïa ka jingpynbeit u long ba la ñiewkor.

PROBERB 15:4

Ki kyntien kiba sbun ki pynkhie im, hynrei ki kyntien kiba khor ki pynlwet ïa ka dohnud.

PROBERB 15:6

Ki briew kiba hok ki sumar ïa ka spah jong ki, hynrei ki bymman ki duh ei ïa la ka jong haba ki por kiba eh ki wan poi.

PROBERB 19:20

Lada phi shahshkor ïa ka jingai jingmut bad phi kloi ban shah hikai, ha kawei ka sngi phin long uba stad.

PROBERB 25:12

Ka jingmaham ba ai da u briew uba shemphang bha ha uno uno uba mon ban sngap ka long kaba kham kordor ban ïa ki sati ksiar ne ki jingdeng mawlynnai ba la saiñ na ka ksiar banylla.

PROBERB 6:23

Ki jingbthah jong ki, ki long kum ka jingshai ba-thaba; ki jingsneng jong ki, ki hikai ïa phi kumno ban im.

TITOS 1:13

Na kane ka daw me dei ban sneng tyngeh ïa ki, khnang ba kin don ka jingngeit kaba shisha

TITOS 2:15

Hikai ïa kine kiei kiei bad pyndonkam pura ïa la ka iktiar haba me ai mynsiem bad haba sneng ïa ki nongsngap jong me. Wat ai ïano ïano na ki ban ibeiñ ïa me.