PROBERB 15:4 - Khasi CL Bible (BSI)

⁴ Ki kyntien kiba sbun ki pynkhie im, hynrei ki kyntien kiba khor ki pynlwet ïa ka dohnud.

KA BAIBL

⁴ U thylliej uba khiah u long u dieng ka jingim: hynrei, ka jingmutlop ha u ka long kaba pynjot mynsiem.

PROBERB 15:4 ပူးပေါင်းရင်းမြစ်များ

SALM 109:22

Nga long uba duk bad uba kyrduh; nga mong naduh kiba jylliew eh ka dohnud jong nga.

PROBERB 10:11

Ki ktien u briew uba bha ki long ka umpohliew ka jingim, hynrei ki ktien u briew uba bymman ki buhrieh ïa ka jinglong ba leh jubor.

PROBERB 12:18

Ki ktien ba khlem da pyrkhat ki lah ban pynmong jylliew kum kano kano ka waitlam, hynrei ki ktien ba kren ha ka jingstad ki lah ban pynkhiah.

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 15:5

Ka long kaba ibieit ban ym suidñiew ïa kaei kaba ki kmie ki kpa jong phi ki hikai; ka long kaba stad ban pdiang ïa ka jingsneng jong ki.

PROBERB 16:24

Ki ktien sbun ki long kum ka ngap — kaba thiang ïa ka jingmad bad kaba bha ïa ka jingkoit jingkhiah.

PROBERB 18:14

Ka mon jong phi ban im kan kyrshan ïa phi haba phi pang, hynrei lada phi duh ïa ka, ka jingkyrmen jong phi kaba sah ka la jah noh.

PROBERB 18:8

Ka jinglorni ka bang palat — katno ngi sngewieit ban nguid tylli ïa ka!

PROBERB 26:22

Ka jinglorni ka long kaba bang bha; a katno ngi ieit ban nguid ïa ka!

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

1 TIMOTHI 6:3

Uno uno uba hikai ïa ka jinghikai shongtynrai kaba pher bad um mynjur ïa ki ktien bashisha jong U Jisu Khrist uba U Trai jong ngi bad ïa ki jinghikai jong ka jingngeit jong ngi u long uba dap da ka jingsarong bad u bymtip ei ei.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.