PROBERB 15:3 - Khasi CL Bible (BSI)

³ U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

KA BAIBL

³ Ki khmat U Trai ki long ha ki jaka baroh, ba u da ap khmih ïa ka basniew bad ïa ka babha.

PROBERB 15:3 ပူးပေါင်းရင်းမြစ်များ

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

Ka Kitab U Job 24:23

U Blei u lah ban shah ïa u ban im khlem jingpynthut, hynrei u peit-thuh pat ïa u man la ka por.

Ka Kitab U Job 28:24

Namar u ïohi ïa kiba kut jong ka pyrthei, u ïohi ïa kiei kiei baroh hapoh ka suiñbneng.

Ka Kitab U Job 31:4

U Blei u tip ïa kiei kiei baroh ba nga leh; u ïohi man ka sien jam ba nga jam.

SALM 33:13

U Trai u khmih sha tbian na bneng, bad u ïohi ïa u khunbynriew baroh.

PROBERB 15:4

Ki kyntien kiba sbun ki pynkhie im, hynrei ki kyntien kiba khor ki pynlwet ïa ka dohnud.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.