PROBERB 15:29 - Khasi CL Bible (BSI)

²⁹ Haba ki briew kiba bha ki duwai, U Trai u shahshkor, hynrei u long jngai ïa kito kiba leh sniew.

KA BAIBL

²⁹ U Trai u long jngai na u bymman: hynrei, u sngew ïa ka jingduwai u bahok.

PROBERB 15:29 ပူးပေါင်းရင်းမြစ်များ

Ka Kitab U Job 35:13

Ka long ka bymmyntoi ïa ki ban kyang jam; U Blei Badonbor Baroh um shym ïohi lane ïohsngew ïa ki.

SALM 10:1

Balei me don jngai palat, A Trai? Balei me buhrieh ïa lade haba ngi don ha ka jynjar?

SALM 138:6

Wat la me long hajrong eh, me sumar ïa kiba rangli, bad kiba sarong kim lah ban rieh na me.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

SALM 73:27

Kito kiba iehnoh ïa me kin ïap da shisha; men pynjot thiaw ïa kito ki bymïaineh ha me.

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 15:30

Ki khmat kiba phuh samrkhie ki pynlong ïa phi ban kmen, bad ki khubor ki babha ki pynsngewtynnat shuh shuh.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

ISAÏAH 59:2

Ka dei namar ki pop jong phi ba um shym ïohsngew ïa phi. Ka dei ki pop jong phi kiba pynïakhlad ïa phi na U Blei haba phi pyrshang ban mane ïa u.

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

1 PETROS 3:12

Naba U Trai u khmih halor kiba hok bad u shahshkor ïa ki jingduwai jong ki; hynrei u pyrshah ïa kito kiba leh ïa kaba sniew.”